थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

वडा स्तरीय बालअधिकार समितिके भूमिका ओ जिम्मेवारीबारे छलफल

पहुरा | २६ असार २०८१, बुधबार
वडा स्तरीय बालअधिकार समितिके भूमिका ओ जिम्मेवारीबारे छलफल

पहुरा समाचारदाता
हसुलिया,२६ असार
। कैलारी गाउँपालिका वडा नम्बर ४ मे गठन हुइल वडा स्तरीय बालअधिकार समितिके भूमिका ओ जिम्मेवारीबारे छलफल हुइल बा ।

युनिसेफके आर्थिक सहयोगमे सामुदायिक विकास केन्द्र (सिडिसी) ओ कैलारी गाउँपालिकाके सहकार्यमे किशोरी सशक्तीकरण परियोजना अन्र्तगत कैलारी–४ मे गठन हुइल वडा स्तरीय बालअधिकार समितिके भूमिका ओ जिम्मेवारीबारे छलफल कैगिल हो । समिति अध्यक्ष तथा वडा नम्बर ४ के अध्यक्ष ठागुराम चौधरीके अध्यक्षतामे हुइल कार्यक्रममे बाल अधिकारके संरक्षण ओ वकालत, जागरुकता ओ शिक्षा, अनुगमन ओ रिपोर्टिङ, समर्थन सेवा प्रदानबारे छलफल हुइल सिडिसीके एसएम सकुन्तला चौधरी बटैली ।

ओस्टेक करके नीति कार्यान्वयनमे सहयोग, समन्वय ओ सहकार्य, गुनासो निवारण, टाटा संकलन ओ अनुसन्धान क्षमताबृद्धि कार्यक्रमबारेफे समितिमे छलफल हुइल उहाँ बटैली । समितिके बैठकमे सचिव श्रीप्रसाद चौधरी, सदस्य रमेश रोकाया, टेकेन्द्र परियार, सुवा परियार, हरिद्वारी चौधरी, लक्ष्मी चौधरी, अनुस चौधरी, स्वस्तिका चौधरीके सहभागिता रहे ।

ओस्टेक करके आमान्त्रित सदस्यमे कार्यपालिका सदस्य लालबहादुर चौधरी, भल्मन्सा बुद्धिराम चौधरी, विद्यार्थी पवित्रा चौधरी, भल्मन्सा धनिराम चौधरी, पुष्पा चौधरी, सीता चौधरीलगायतके सहभागिता रहे ।

जनाअवजको टिप्पणीहरू