मर्कामे परल महसुश हुइल किसानहे प्रमाणसहित निवेदन पेश कैना गाउँपालिकासे आग्रह

पहुरा समचारदाता
हसुलिया, २७ असार । सहकारी संस्था वा मनैनहे अनुदानमे कृषि उपकरण पाइक लाग रकम बुझाइल किसानहे अपने मर्कामे परल महसुश हुइलेसे अपनथेन रहल प्रमाणसहित निवेदन पेश कैना कैलारी गाउँपालिका आग्रह करले बा ।

कृछ दिनसे टमान संचारमाध्यम ओ सामाजिक संजालमे कैलारी गाउँपालिकाके किसानहुकनहे कृषि उपकरण(सिचाई मोटर तथा पावर टिलर) अनुदानमे वितरण कैना कहिके यी पालिकाके किसानसे टमान सहकारी संस्था तथा मनै रकम संकलन करल कना समाचारप्रति गाउँपालिकाके गम्भीर ध्यानाकर्षण हुइल गाउँपालिका अध्यक्ष राजसमझ चौधरी विफेक रोज सार्वजनिक सूचना जारी करटी अनुरोध करले बटै ।