चैतन्य पाठशालासे अन्तर विद्यालय कविता प्रतियोगिता

पहुरा समाचारदाता
धनगढी, २८ असार । आदिकवि भानुभक्त आचार्यके २११औं जन्म जयन्तीके अवसरमे धनगढी उपमहानगरपालिका–५ शिवनगरमे रहल चैतन्य पाठशालाके आयोजनामे अन्तर विद्यालय कविता प्रतियोगिता शुकके रोज सम्पन्न हुइल बा ।

विद्यालयके शिक्षक अभिभावक संघके अध्यक्ष ईश्वर गिरीके अध्यक्षतामे हुइल कार्यक्रममे विद्यालयके प्रिन्सिपल कटकबहादुर सिंह कार्यक्रमबारे जानकारी ओ स्वागत मन्तव्य व्यक्त करल रहिट । उहाँ चैतन्य पाठशालासे शिक्षा संग्गे संस्कारहे जोरके टमान गतिविधि आघे बह्राइल बटैलै ।

कार्यक्रमके प्रेरक व्यक्तित्व तथा प्रतियोगिताके निर्णायक मदन पुरस्कार विजेता रामलाल जोशी, साहित्यकार कोपिला शर्मा, गणेशराज जोशी रहल रहिट ।

प्रतियोगितामे धनगढी, अत्तरीया ओ बेलौरीके १० विद्यालयके २२ जाने विद्यार्थी विच प्रतिस्पर्धा हुइल रहे । प्रतियोगितामे सरस्वती माविके साधना सोटी, चैतन्य पाठशालाके नेत्र कार्की, नन्दिनासके रिदिशा अधिकारी, ऐश्वर्य विद्या निकेतनके आकृति तामाङ, ऐश्वर्य विद्या निकेतनके आर्दश जोशी, चैतन्य पाठशालाके जेनी चौधरीसे कविता बाचन करल रहिट ।

दुर्गा लक्ष्मी मावि अत्तरियाके सन्ध्या अवस्थी, एलिशा विष्ट, सरस्वती मावि मनेहराके मात्रिका रेग्मी, सिद्धबाबा ऐकेडेमी बेलौरीके आर्य अवस्थी, वेस्टर्न ऐकेडेमीके सुशिला जाग्री, जनकल्याण माविके दिनेश भाट कविता प्रस्तुत करल रहिट ।

बाल्मिकीके नेहारिका विक, जनकल्याण माविके सुस्मिता खडका, धनगढी माविके हिमाल बडु, दुर्गालक्ष्मी मावि अत्तरियाके निशान भट्टराई, क्रेसेन्ट सिटीके मानस्वी बम, रितिश चन्द, नन्दीनासके झलक बम, धनगढी माविके एलिसा विष्ट, बाल्मिकीके ग्रिष्मा बम ओ सिद्धवाबा ऐकेडेमी बेलौरीके अस्मिता सुनार लगायतसे प्रतियोगितामे प्रतिस्पर्धा करल रहिट ।

प्रतियोगिताके पहिल पुरस्कार १० हजार, दुसरा पुरस्कार ७ हजार ५ सय ओ टिसरा पुरस्कार ५ हजारके व्यवस्था करल रहे । जेम्ने पहिल स्थानमे चैतन्य पाठशालाके जेनी चौधरी, क्रेसेन्ट सिटी माविके मानस्वी बम हुइल बटैं । डुसरामे बाल्मिकी इन्टरनेशनल स्कूलके निहारिका बिक, दुर्गालक्ष्मी माविके सन्ध्या अवस्थी, टिसरामे सद्ध बाबा एकेडेमी , बेलौरीके आर्या अवस्थी ओ चैतन्य पाठशालाके नेत्र कार्की हुल बटैं । ओस्टेक, नन्दिनाज एकेडेमीके रितिसा अधिकारीहे प्रोत्साहन स्वरुप पुरस्कृत करल बा ।

कार्यक्रममे पिटिए सदस्य पदम खडका चैतन्य पाठशालासे शिक्षासंगे टमान गतिविधि संचालन करल बटैलै । कार्यक्रममे चैतन्य पाठशालाके बार्षिक पत्रिका ‘चैतन्य मञ्जरी’ के लोकर्पण कैगिल बा । कार्यक्रममे पिटिए सदस्य, शिक्षक, अभिभावक, टमान विद्यालयके शिक्षकहुकनकेफे सहभागिता रहे ।