४२ औ विपि स्मृति दिवसके अवसरमे वृक्षरोपण

पहुरा समाचारदाता
हसुलिया, ६ सावन । ४२ औ विपि स्मृति दिवसके अवसरमे अँटवारके रोज कैलारी गाउँपालिकाके हसुलियामे वृक्षरोपण कैगिल बा ।

विपि स्मृति दिवसके अवसरमे नेपाली कांग्रेस क्षेत्र नम्बर ३ ‘क’ से कैलारी हसुलियामे वृक्षारोपण कार्यक्रम करल हो ।

उ कार्यक्रममे नेपाली कांग्रेस सुदुरपश्चिम प्रदेश सदस्य तथा कैलारी गाउँपालिका अध्यक्ष राजसमझ चौधरी, पुर्व जिल्ला सचिव दिपकराज जोशी, भजनी नगरपालिका उपमेयरके पुर्व उम्मेद्बार गोकर्ण भण्डारी, नेपाली काँग्रेसके कैलारी पार्टी सभापति कृष्ण चौधरी,प्रदेश ‘क’ के सभापति रामप्रसाद चौधरी, पार्टीके नेता खोजराम चौधरी, परसराम चौधरी, पुरन चौधरी, मनिराम बखरिया, माया चौधरीलगायत टमान वडाके अध्यक्ष, पार्टीक भातृ संघ सस्था ओ कार्यकर्ताहुकनके उपस्थिति रहल रहे ।