सहायक सीमा स्तम्भ कटानके जोखिममे

पहुरा समाचारदाता
धनगढी, २१ सावन । धनगढी उपमहानगरपालिका–९ स्थित मोहना लडियाके पार रहल ७५०÷२ नम्बरके सहायक पिल्लर कटानके जोखिममे परल बा ।

जमिन कटान कैटी मोहना लडिया पिल्लर लग्गे पुगलपाछे जोखिम बह्रल हो । कटानके उच्च जोखिममे परल सहायक पिल्लरहे बोराके अस्थायी तटबन्ध बनाके मुस्किलसे बचाइल सशस्त्र प्रहरी उपरीक्षक बलबहादुर पाण्डेय बटैलै ।

उहाँ सशस्त्र प्रहरी ओ भारतीय सीमा सुरक्षा बल (एसएसबी) से मिलके कटानके जोखिममे रहल पिल्लर बोरा डारल जानकारी डेलै । “हम्रे बडा मिहिनेत कैके कटान हुइनासे पिल्लर बचैले बाटी”, उहाँ कहलै ।