तीन मोटरसाइकलसहित १९.८२ क्यु. फिट अवैध काठ बरामद

पहुरा समाचारदाता
धनगढी, २१ सावन । कैलाली जिल्लाके धनगढी उपमहानगरपालिका–७ देवहरियासे तीन ठो मोटरसाइकलसहित १९.८२ क्यु. फिट अवैध काठ बरामद कैगिल बा ।

जिल्ला प्रहरी कार्यालय कैलालीसे खटके गैल प्रहरी टोली सोम्मारके बिहान ३ बजेक समयमे धनगढी उप–महानगरपालिका वडा नं.०७ स्थित देवहरिया कना ठाउँसे पक्राउ करल हो ।

तीन ठो मोटरसाईकल बत्ती बारके अइटी रहल डेखके उ मोटरसाइकल रोक्के चेकजाँच करे खोजबेर मोटरसाइकल चालकहुक्रे मोटरसाइलक ओ कठुवा छोरके भागके फरार हुइल रहिट । १ लाख ७४ हजार १३३.३३रुप्या मुल्य बराबरक उ बा २५ प १२२७, से २ प ९६६५, से ६ प ३२५४ नम्बरके मोटरसाइकल ओ उ मोटरसाइकलमे लोड अवस्थामे रहल ४२ थान (१९.८२ क्यु. फिट) साल जातके काठके कडि बेवारिसे अवस्थामे फेला परल जिल्ला प्रहरी कार्यालय कैलालीके सह प्रवक्ता प्रहरी निरिक्षक लोकेन्द्र सिंह कार्की बटैलै ।

उ काठ तथा मोटरसाइकल बरामद करके आवश्यक कारवाहीके लाग सब–डिभिजन वन कार्यालय तारानगर कैलाली पठाइल बा ।