गोगा आचार्यके नेतृत्वमे लौवा कार्यसमिति चयन

पहुरा समाचारदाता
धनगढी, १२ भदौ । जनचेतना तथा यूवा जागरण मञ्च, नेपाल (फाया नेपाल) धनगढीके अध्यक्ष गोमा आचार्य जोशी निर्वाचित हुइल बटी ।
बार्षिक साधारणसभासे उहाँ अध्यक्ष पदमे निर्विरोध निर्वाचित हुइल रही । मञ्चके सचिवमे दिलबहादुर कुवँर, कोषाध्यक्षमे ज्योति श्रेष्ठ बिके, सदस्यमे विष्णु पुरी, सुर्य माया श्रेष्ठ, भागीराम चौधरी ओ बिन्दु ओझा निर्वाचित हुइल बटै ।
महिलाउप्पर हुइना असमानता ओ सामाजिक भेदभावके विरुद्ध महिला शसक्तीकरण ओ युवा जागरणके मुल नाराहे आत्मसात करके २०५१ सालमे गैरसरकारी संस्थाके रुपमे कैलाली जिल्ला प्रशासन कार्यालयमे दर्ता हुइल फाया नेपालके स्थापनाके ३० वर्ष ओ साधारण सभाके हिसावसे २७ औं वार्षिक साधारण सभा धनगढीमे सम्पन्न करल हो ।
विगतमे समान कामके समान ज्याला, छाउपढी प्रथा, मुक्त कमैया, विधुवा महिलाके बाध्यात्मक पहिरन लगायतके समाजमे व्याप्त हानिकारक अभ्यासके विरुद्धके अभियान सञ्चालन करल रहे ।
सुदुरपश्चिम प्रदेशके आन्तरिक मामिला तथा कानून मन्त्री माननीय हिरा सार्कीके बरका पहुनामे हुइल कार्यक्रमे विशिष्ट पहुना प्रदेशसभा सदस्य माननीय धर्मराज पाठक रहल रहिट ।
कार्यक्रमके बरका पहुना मन्त्री सार्की फाया नेपाल जैसिन नागरिक संस्थासे समाजमे पाछे परल ओ पारल समुदायके लाग मजा काम करल बटैलै ।
विशिष्ट पहुना प्रदेशसभा सदस्य पाठक यी संस्थासे स्वास्थ्यके क्षेत्र, विपद्के क्षेत्र, ज्येष्ठ नागरिकके सवाल ओ कैदीबन्दीके परिवारके आर्थिक सशक्तिकरणके लाग प्रयास सर्हानीय रहल बटैलै ।
कार्यक्रममे चुरे गाँउपालिकाके अध्यक्ष चक्र बहादुर बोगटी, राष्ट्रिय मानव अधिकार आयोग, युएनडिपी, वल्र्डभिजन, गैर सरकारी संस्था महासंघ लगायतके संस्था तथा व्यक्तिसे साधारणसभाके सफलताके शुभकामना व्यक्त करल रहिट ।
बन्द शत्रमे वार्षिक प्रगती प्रतिवेदन पारित करटी आर्थिक वर्ष २०८० ओ २०८१ के ८ करोड ५० लाख ४ हजार २ सय ९३ बराबरके वास्तविक आय व्यय विवरण ओ आर्थिक वर्ष २०८१÷०८२ के लाग अनुमानित ८ करोड ७५ लाख ३० हजार ३ सय ५९ रुपैंया बराबरके बजेटहे पारित करल बा ।
