कैलारी गाउँपालिकासे अँटवारी टिहुवारके दुई दिन स्थानीय विदा

पहुरा समाचारदाता
हसुलिया, १८ भदौ । कैलारी गाउँपालिकासे थारु समुदायसे मनाजैना अँटवारी टिहुवारके दुई दिने सार्वजनिक विदा डेना निर्णय करले बा ।

यिहे भदौ २३ गते पर्ना अँटवारी टिहुवारके अवसरमे भदौ २३ ओ २४ गते स्थानीय विदा डेना निर्णय करल हो । सुदूरपश्चिम प्रदेश सरकार, आन्तरिक मामिला तथा कानून मन्त्रालय भदौ २३ गते सार्वजनिक विदा डेहल वरसे कैलारी गाउँपालिकाके निर्णय अनुसार भदौ २४ गते थप १ दिन और विदा डेहल गाउँपालिका प्रमुख प्रशासकीय अधिकृत खगेन्द्रराज जोशी बटैलै ।

भदौ २३ ओ २४ गते कैलारी गाउँपालिका भित्तरके सक्कु सरकारी कार्यालय, शिक्षण संस्था, बैंक व वित्तीय संस्थामेफे स्थानीय सार्वजनिक रना जानगिल बा ।