धनगढी ओ गौरीगंगामे शक्ति परियोजना लागु

पहुरा समाचारदाता
धनगढी, २४ भदौ । कैलालीके धनगढी उपमहानगरपालिका ओ गौरीगंगा नगरपालिकामे शक्ति परियोजना लागु हुइल बा ।

महिला पुनस्र्थापना केन्द्र (ओरेक) नेपालसे कैलालीके दुई स्थानीय तहके चार ठो वडामे यी परियोजना लागल करे लागल हो । सन २०२४ अगस्तसे ३१ जुलाई २०२८ सम लागु हुइना यी परियोजनासे विश्वव्यापी दिगो विकास लक्ष्यमे आधारित उद्देश्य अनुरुप तीन ठो मुद्दाहे प्राथमिकता धारके काम कैना ओरेक नेपालके जिल्ला संयोजक गीता चौधरी बटैली ।

परियोजनासे दिगो विकास लक्ष्य नम्बर ५ अन्र्तगतके लैङिक समानता, लक्ष्य नम्बर १३ के जालवायू कार्य ओ लक्ष्य नम्बर ८ के मर्यादित काम र आर्थिक वृद्धि) अन्र्तगत काम उहाँ जनैली ।

महिला पुनस्र्थापना केन्द्र (ओरेक) नेपालके सचिव संगीता अधिकारी परियोजनाबारे जानकारी डेटी श्रम, शरिर ओ पहिचानके मुद्दा सम्बोधानके लाग समुदाय हुइटी राष्ट्रिय तथा अन्तर्राष्ट्रियस्तरमे बहस तथा आन्दोलन निर्माण कैना बटैली ।
नेपालके मधेश प्रदेश, लुम्बिनी ओ सुदूरपश्चिम प्रदेशमे यी परियोजना लागु हुइल जनैटी सुदूरपश्चिम प्रदेशके धनगढी उपमहानगरपालिका वडा नम्बर १६ ओ १८ मे, गौरीगंगा नगरपालिकाके वडा नम्बर ४ ओ ५ मे लागु हुइल उहाँ जनैली ।
परियोजनाके उद्देश्यमे महिला तथा किशोरीके रुपान्तरित नेतृत्व विकासके अवधारण मार्फत लैगिक हिंसा विरुद्ध लरना, महिलाहुकनके लाग दिगो ओ एकिकृत सहयोगी सयन्त्र निर्माण कैना, समुदायके सहभागिता ओ नेतृत्वसे दीर्घकालिन प्रणालीगत परिवर्तनके लाग मर्यादित काम ओ गतिशिलताके अधिकार, सामाजिक सुरक्षाके अधिकारके लाग पैरबी कैना रहल सचिव अधिकारी जनैली ।

ओस्टेक संघन जैविक खेती प्रणाली, खाद्य सुरक्षा ओ बजारसंगके समन्वय, जलवायू परिवर्तनके सामाना कैना प्रतिकार्य क्षमता बह्रैना, जिहीसे महिलाके जिविकोपार्जन ओ खाद्य सुरक्षा सुनिश्चितता हुइना कहल बा । समुदायके भोगाईके आधारमे ज्ञान निर्माण ओ मानव सम्बोधनके लाग आन्दोलन निर्माण कैना परियोजनाके उद्देश्य रहल बा ।

परियोजनाके मुख्य गतिविधिमे जिल्ला स्तरीय सरोकारवालासंग अन्तरक्रिया, लैंगिक नीति निर्माणके लाग सहजीकरण तथा पैरवी रुपान्तरित नेतृत्व सम्बन्धी युवा तथा महिलाहे तालिम, युवाहुकनहे महिलावादी क्षमता अभिवृद्धि तालिम, युवा फोरम श्रमिकहुकनके अधिकारके सम्बन्धमे पैरवी, मनोविमर्स केन्द्र संचालन तथा मनोविमर्स सहयोग, लैंगिक हिंसाके घटना संकलन तथा हिंसा प्रभावितहे सहयोग तथा सम्प्रेषण, विपद् तयारी ओ प्रतिक्रियाके चरणमे महिलाहुकनके सहभागितामे स्थानीय सरकारसंग समन्वय तथा सहकार्य बैठक, महिला किसान समूहहे सघन जैविक खेतीमे सहयोग रहल बा ।

ओस्टेक सपन जैविक खेती सम्बन्धी कृषक समुहहे तालिम, एकदिने कृषि मेला, स्थानीय सरकारके समन्वयमे स्थानीय उत्पादन कृषि उत्पादनके बजारीकरण रणनीति सम्बन्धी एक दिने कार्यशाला, महिला किसानहुकनहे ओइनके व्यवसाय योजनाहे समर्थन कैना कृषि ओ प्रशोधन औजार, बीउ सहयोग (१० जनहनहे २० हजारके दरसे), जिल्ला स्तरीय विपद व्यवस्थापन समितिसंगके बैठक, बिउ पूँजी सहयोग (१५ जनहनहे प्रतिव्यक्ति ३० हजार) जलवायु परिवर्तनमे किसानके कहाई, रेडियो कार्यक्रम, महिला स्वास्थ्य मेला, महिला कृषकके कथामे आधारित राष्ट्रियस्तरके टेलीभिजन कार्यक्रम, ज्ञान उत्पादन (जानकारी मुलक सामाग्री, रेडियो सामग्री, क्षेत्रीय, राष्ट्रिय तथा अन्तरास्ट्रियस्तरके पैरवी कार्यक्रम रना ओरेक नेपालके सचिव अधिकारी बटैली ।

ओस्टेक करके (सोम्मारके रोज) आज शक्ति परियोजनाबारे जानकारी तथा परियोजना समव्य बैठक धनगढीमे सम्पन्न हुइल बा । ओरेक नेपालके सचिव संगीता अधिकारीके अध्यक्षतामे हुइल कार्यक्रममे जिल्ला समन्वय समितिके कार्यवाहक सभापति खगराज भुसाल बरका पहुना रहल रहिट । कार्यक्रममे विशिष्ट पहु्ना गौरीगंगा नगरपालिकाके नगर प्रमुख देवीदत्त कडेल, धनगढी उप–महानगरपालिकाके नगर उप प्रमुख कन्दकलाकुमारी राना, गौरीगंगा नगरपालिकाके नगर उपप्रमुख भोजबहादुर बम रहल रहिट । कार्यक्रममे जिल्ला प्रशासन कार्यालयके सहायक सिडियो किरण जोशी, धनगढी उपमहानगरपालिका वडा नम्बर १६ के वडा अध्यक्ष रामलाल चौधरी, वडा नम्बर १८ के वडा अध्यक्ष भुवन रिजाल, गौरीगंगा नगरपालिका वडा नम्बर वडा नम्बर ५ वडा अध्यक्ष विष्णु प्रसाद भाट, ओ वडा नम्बर ४ वडा अध्यक्ष रामबहादुर चौधरीलगायत पहुना रहल रहिट ।

कार्यक्रममे जिल्ला जिल्ला समन्वय समितिके कार्यवाहक सभापति खगराज भुषाल,गौरीगंगा नगरपालिकाके नगर प्रमुख देवीदत्त कँडेल, धनगढी उपमहामनरपालिकाके नगर–उपप्रमुख कन्दकलाकुमारी राना,सहायक प्रजिअ किरण जोशी, धनगढी उपमहानगरपालिका वडा नम्बर १८ के वडा अध्यक्ष भुवन रिजाल, गौरीगंगा नगरपालिका वडा नम्बर ५ वडा अध्यक्ष विष्णु प्रसाद भाट मन्तव्य तथा परियोजनाके सफलताके शुभकाममना व्यक्त करल रहिट ।

ओस्टेक करके बार एशोसियसन कैलालीके अध्यक्ष इन्द्र प्रसाद लेखक, फाया नेपालके अध्यक्ष गोमा आचार्य, दलित महिला अधिकार मञ्चके अध्यक्ष सावित्रा घिमिरे, सुदूरपश्चिम समाजके राज चौधरी, यूएन वुमनके प्रतिभा चौधरीलगायत सल्लाह सुझाव र।खल रहिट । कार्यक्रमके संचालन ओरेक नेपालके जिल्ला संयोजक गीता चौधरी करल रही । कार्यक्रममे टमान संघसंस्थाके प्रतिनिधि, सुरक्षा निकायके प्रतिनिधिहुकनके सहभागिता रहे ।