बाल अधिकार चेतना समूहके प्रदेशस्तरीय बैठक सम्पन्न

पहुरा समाचारदाता
धनगढी, ८ कुवाँर । अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीके आयोजनामे सुदूरपश्चिम प्रदेशस्तरीय बाल अधिकर चेतना समुहके बैठक धनगढीमे सम्पन्न हुइल बा ।

इन्सेक सुदूरपश्चिम प्रदेश कार्यालय, धनगढीके प्रदेश संयोजक खडकराज जोशी बाल अधिकार चेतना समूहके पदाधिकारी तथा विद्यार्थीहुक्रे पठनपाठनके साथे अतिरिक्त कृयाकलापसंगे बालबालिकाके अधिकारसंगे कर्तव्यके पालना करे पर्ना बटैलै ।

उहाँ बालबालिकाहुक्रे पढे पैना बाल अधिकार हो कना अनुशासित ओ इमानदारी पुर्वक पढ्न बालबालिकाके कर्तव्य रहल प्रदेश संयोजक जोशी बटैलै ।

इन्सेक सुदूरपश्चिम प्रदेश कार्यालय, धनगढीके कार्यक्रम संयोजक राजकुमार चौधरी बाल अधिकार चेतना समुहके पदाधिकारीहुक्रे विद्यालयमे गठन हुइल बाल अधिकार चेतना समुहसे कौनोफे काम करेबेर समुहके बैठक बैठके माइन्युटमे निर्णय करे पर्ना बटैलै । बाल अधिकार चेतना समूहके अध्यक्ष निसा सन्ज्याल बाल अधिकार चेतना समुहसे विद्यालयके नियमित सरसफाई ओ अतिरिक्त कृयाकलाप करटी आइल बटैली ।

बाल अधिकार चेतना समूहके उपाध्यक्ष अमित चौधरी बाल अधिकार चेतना समूहके पुर्नगठन सम्पन्न हुइल बटैली । बाल अधिकार चेतना समूहके सदस्य कविता सापकोटा नयाँ शैक्षिक सत्रमे बालभित्ते पत्रिका प्रकाशन कैना सुरु करल बटैली । बाल अधिकार चेतना समूहके प्रदेशस्तरीय बैठकमे कैलाली ओ कञ्चनपुरके करके आठ विद्यालय बाल अधिकार चेतना समुहके पदाधिकारी ओ सहजकर्ताके उपस्थिति रहे ।