मानव अधिकार सम्बन्धी पाँचौं राष्ट्रिय कार्ययोजनाबारे सञ्चारकर्मीसंग छलफल

पहुरा समाचारदाता
धनगढी, ८ कुवाँर । राष्ट्रिय मानव अधिकार आयोग सुदूरपश्चिम प्रदेश कार्यालय धनगढीले आयोगके छैंटौं रणनीतिक योजना (२०२१–२०२६), मानव अधिकार सम्बन्धी पाँचौं राष्ट्रिय कार्ययोजना (२०७७/७८–२०८१–०८२) के बारे सञ्चारकर्मीसँग छलफल कैगिल बा ।

राष्ट्रिय मानव अधिकार आयोग सुदूरपश्चिम प्रदेश कार्यालय धनगढीसे मंगरके रोज अपने कार्यालयमे सञ्चारकर्मीसंग समन्वय ओ सहकार्य सम्बन्धी छलफल कार्यक्रम करल हो ।

सञ्चारकर्मीसँग करल खुला छलफलमे राष्ट्रिय मानव अधिकार आयोग ओ सञ्चारकर्मीहुक्रे कैसिक सहकार्य करके मानव अधिकारके लाग काम करे सेक्जाई कनाबारे छलफल कैगिल रहे ।

राष्ट्रिय मानव अधिकार आयोगके छैंटौं रणनीतिक योजनाके नारा “जीवन, मर्यादा, समानता र स्वतन्त्रताको अधिकार ः दिगो शान्ति र संवृद्धिको आधार” कना नाराहे सार्थक पारेक लाग सञ्चारकर्मीहुक्रे खेले सेक्ना भुमिकाके बारेमे चर्चा करल रहे ।

कार्यक्रमके उद्देश्यउप्पर प्रकाश परटी उप–सचिव झंकरबहादुर रावल राष्ट्रिय मानव अधिकार आयोगके छैंटौं रणनीतिक योजनाके ७ ठो रणनीतिक उद्देश्य ओ १ सय ६ ठो कार्यक्रमहे सफल पर्ना सञ्चारकर्मीहुक्रे राष्ट्रिय मानव अधिकार आयोगहे थप सशक्त बनाई पर्नामे उहाँ जोड डेलै । कार्यक्रमके सञ्चालन मानवअधिकार अधिकृत विदेशराम चौधरी करले रहैं ।