ग्रामीण कृषक बहुउद्देश्यीय सहकारीके १८औं वार्षिक साधारणसभा

पहुरा समाचारदाता
पहलमानपुर, १९ कुवाँर । कैलालीके घोडोघोडी नगरपालिका–१० पहलमानपुरमे रहल श्री ग्रामीण कृषक बहुउद्देश्यीय सहकारी संस्थाके १८औं वार्षिक साधारणसभा तथा सार्वजनिक सुनुवाई कार्यक्रम शनिच्चरके रोज सम्पन्न हुइल बा ।

सहकारीके अध्यक्ष खम्मबहादुर शाहके अध्यक्षतामे हुइल कार्यक्रममे सुदूरपश्चिम प्रदेश सरकारके भूमि व्यवस्था तथा कृषि सहकारी मन्त्री रहल रहिट । कार्यक्रममे सम्बोधन करटी उहाँ तीन तहके सरकार विच समन्वय नैहुइटसम कृषि क्षेत्र फस्टाई नैसेक्ना बटैलै । उहाँ कृषि क्षेत्रमे न्यून लगानी रहल बटैलै ।

कार्यक्रमके विशिष्ट पहुना घोडाघोडी नगरपालिकाके नगर प्रमुख खडकबहादुर रावत सहकारीहे जवाफडेही बनाइक लाग शेयर सदस्यहुक्रे निगरानी कैना आवश्यक रहल बटैलै ।

कार्यक्रममे घोडाघोडी नगरपालिका वडा नम्बर ५ के वडा अध्यक्ष लोकबहादुर चन्द, सीताकुण्ड माविके शिक्षक पदमराज ओझा, तुलसीपुर सामुदायिक वनके अध्यक्ष गोरखबहादुर सिंह ओ दिगो विकास सहकारीके अध्यक्ष पुष्कलबहादुर बमलगायत शुभकामना मन्तव्य व्यक्त करल रहिट ।

कार्यक्रममे सहकारीके लेखा समिति संयोजक इन्द्रबहादुर बम आयव्यय विवरण सार्वजनिक करल रहिट । कार्यक्रमके संचालन सहकारीके सचिव निरकबहादुर बम ओ स्वागत कोषाध्यक्ष यम पोखरेल करल रहिट ।