थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]
‘ परिवर्तनका लागि युवा संजालके प्रथम साधारण सभा ’

सही नेतृत्वके पाछे लग्ना मुख्यमन्त्री शाहके आग्रह

पहुरा | २९ आश्विन २०८१, मंगलवार
सही नेतृत्वके पाछे लग्ना मुख्यमन्त्री शाहके आग्रह

पहुरा समाचारदाता
धनगढी, २९ कुवाँर ।
सुदूरपश्चिम प्रदेश सरकारके मुख्यमन्त्री कमल बहादुर शाह यूवाहुकनके सही नेतृत्वके पाछे लग्ना आग्रह करले बटै ।

युवा अभियान मर्यादित जीवन न्याय ओ समता हमार पहिचान कना मुल नाराके साथ परिवर्तनका लागि युवा संजालको पहिल साधारण सभाके उदघाटन कार्यक्रममे सम्बोधन करटी उहाँ उ बाट बत्वाइल रहिट ।
सुदुरपश्चिम प्रदेश सरकारके मुख्यमन्त्री माननीय शाहसे बर्षौसे बधुवा मजदुरके रुपमे मालिकके घरमे कमैया बैठटी आइल थारु समुदायहे २०५७ साल सावन २ गते तत्कालीन नेपाल सरकारके प्रधानमन्त्री तथा वर्तमान नेपाली काँग्रेसके पार्टी सभापति माननीय शेरबहादुर देउवासे कमैया मुक्तीके घोष्णा करके कमैया प्रथाके अन्त्य करसही नेतृत्वके पाछे लग्ना मुख्यमन्त्री शाहके आग्रह बा ।

उहाँ कहलै, ‘यी बधुवा, कमैयाहुकनके लाग एतिहासिक घोषणा हो । टबमारे सक्कुहुनहे आग्रह करटु सहि नेतृत्व के हो ओ केकर पाछे लग्ना ओकर अब्बेक युवाहुक्रे सहि मुल्यांकन करे परठ ।’

सुदुरपश्चिम प्रदेश सरकारमे मै पहिल चो मुख्यमन्त्री हुईबेर थारु, कमैया, हलिया हरूवा चरुवाके सवालमे उल्लेखनीय कार्य आघे बढाइल ओ अब्बे फेरसे दुसर चो मुख्यमन्त्री हुईबेर ओइनके सक्कु कार्यान्वयनके चरणमे आघे बह्रल बटैलै ।

कार्यक्रममे बोल्टी मुख्यमन्त्री शाह नम्मासमयसे थाती रहल सुदुरपश्चिम प्रदेश निजामती सेवा ऐन पहिल संशोधन २०८० सशोधन करके थारु, राना÷ थारु, दलित महिला, जनजाति आदिवासी ओ पिछरल क्षेत्रके निजामती सेवामे ४५ प्रतिशत समानुपातिक प्रतिनिधित्व( आरक्षण) हुइना करके मोर नेतृत्वके सरकारसे प्रदेश सभामे ऐन पेश करके पारित करल बा । मने यी ऐन नियमावली बन्ना तयारीमे रहल बेला कैलालीके थारु राना÷ थारु समुदायके लाग १५ प्रतिशत आरक्षण रहलमे ओइने जनसख्याके आधारमे १८ प्रतिशत हुई पर्ना मागहे प्रदेश सभामे रहल सक्कु राजनीतिक दलके प्रतिनिधि ओ सम्वन्धित सरोकारवालाके फे सहभागीता रना करके सुझाव समिती निर्माण करके अब्बे सरकारसे प्रतिवेदन अनुसार नियमावलीमे यथा सम्भव थारु, राना÷ थारु समुदायके मागहे सुझाव कार्यदलसे डेहल प्रतिबेदनके भावना ओ मर्महे सम्बोधन हुइना करके आघे बह्रना बटैै ।

मोर पहिल कार्यकालमे मै थारु समुदायके सास्कृतिके रुपमे रहल बडघर÷भन्मान्साहे कानुनी मान्यता डेना प्रदेश सरकारसे ऐन तयार करके प्रदेश आन्तरिक मामिला तथा कानुन मन्त्रालयमे रायके ला पठाइल प्राप्त हुइटी की प्रदेश सभामे टेबल करके छलफल करके पास कैना ओ तुरुन्त कार्यान्वयनमे लैजैना बटैलै ।

दु्सर प्रसगमे मुख्यमन्त्री शाह यी आर्थिक बर्षके बजेटमे प्रदेश सरकारसे थारु समुदायके मृत्यु पाछे कैना सस्कारके लाग पुजा कैना मरुवा ( मन्दिर) निर्माणकाके लागफे बजेट बिनियोजन करल बटैलै ।
साथे सुदुरपश्चिम प्रदेश सरकारसे सुदुरपश्चिम प्रदेशमे मुक्त हुइल हलिया, हरूवा चरुवके राज्यसे प्रदान कैना सेवा सुविधाके लाग पुनस्र्थापना कार्यविधी तयार करके प्रदेश सरकारसे पास करसेकल ओरसे ओइनके वृत्ति विकास ओ गुणस्तरीय जीवनयापनाके कार्यक्रम फे आघे बढाइल बटैलै ।

उ कार्यक्रममे कैलाली जिल्लाके थारु समुदाय ओ मुक्त कमैयासग सम्वन्धित युवाहुकनके सहभागिता रहल रहे ।

जनाअवजको टिप्पणीहरू