हसुलियामे पाहुना घर रेष्टुरेन्ट एण्ड लज संचालनमे
पहुरा समाचारदाता
हसुलिया, ८ कार्तिक । कैलाली जिल्लाके कैलारी गाउँपालिका वडा नम्बर १ हसुलिया बजारमे पाहुना घर रेष्टुरेन्ट एण्ड लज सञ्चालनमे आइल बा ।
शान्त ओ पारिवारिक वातावरणसहितके सेवा डेहक लाग कैलारी गाउँपालिकाके हसुलियामे पाहुना घर रेष्टुरेन्ट एण्ड लज सञ्चालनमे ल्यानल सञ्चालक रेनु चौधरी बटैली ।
उहाँ कहली, ‘कैलारीमे लजिङके व्यवस्थासहित मजा होटेल नैरहल ओरसे सेवाग्राहीके माग आवश्यकताके आधारमे पाहुना घर रेष्टुरेन्ट एण्ड लज सञ्चालनमे ल्यानल हो ।’
कैलारी गाउँपालिकाके सदरमुकाम मानजैना हसुलियामे संघसंस्थासे आवसियसहितके कार्यक्रम सञ्चालन करेबेर बासके लाग मजा होटल नैहुइलपाछे धनगढी जाके बास बैठे पर्ना अवस्था बा ।
पाहुना घर रेष्टुरेन्ट एण्ड लजमे स्थानीय परिकारहे ढेर महत्व डेहल सञ्चालक बटैली । ओस्टेक करके उ पाहुना घर रेष्टुरेन्ट एण्ड लजसे हाली स्केट पार्कफे सञ्चालनमे ल्यन्ना योजना रहल उहाँ बटैली ।
