एन प्याब्सनसे विद्यार्थी ओ विद्यालय सम्मान

पहुरा समाचारदाता
हसुलिया, १३ कार्तिक । राष्ट्रिय नीजि तथा आवसिय विद्यालय एशोसियशन नेपाल (एन प्याब्सन)से एसइई परिक्षामे उत्कृष्ट नतिजा ल्यन्ना विद्यार्थी ओ विद्यालयहे सम्मान कैगिल बा ।
एन प्याव्सन कैलालीसे सोम्मारके रोज कैलारी गाउँपालिकाके हसुलियामे शुभ डेवारी ओ छठ पर्वके अवसरमे शुभकामना आदान प्रदानके कार्यक्रमके आयोजना करके एसइई परिक्षामे उत्कृष्ट नतिजा ल्यन्ना विद्यार्थी ओ विद्यालयहे सम्मान कैगिल हो ।
सम्मान कार्यक्रम कैलारी गाउँपालिका अध्यक्ष राजसमझ चौधरीके वरका पहुना हुइल रहे । कार्यक्रममे सम्बोधन करटी उहाँ सामुदायिक विद्यालयके तुलनामे नीजि विद्यालयके परिक्षाफल मजा डेखल बटैलै । विद्यार्थीनहे भविष्य बनाइक लाग शिक्षक ओ अभिभावकके बराबर भूमिका रहना बटैलै । कार्यक्रममे शुभ डेवारी ओ छठ पर्वके शुभकामना व्यक्त करटी सम्मानित विद्यार्थी ओ विद्यालयहे बधाई ज्ञापन करल करल रहिट ।
ओस्टेक करके कार्यक्रममे विशिष्ट पहुना एन प्याब्सनके केन्द्रीय सदस्य चुडामणी बुढाथोकी, प्रदेश अध्यक्ष दिपक बम मन्तव्य व्यक्त करटी सम्मानित विद्यार्थी ओ विद्यालयके बधाई डेहल रहिट ।
सम्मानित हुइल विद्यालयमे पयोनियर स्कुलर्स एकेडेमी घोडाघोडी नगरपालिका १० पहलमानपुर (९५.४५ प्रतिशत), फुलवारी एकेडेमी धनगढी–१८ (९५ प्रतिशत), न्यू स्टार इंगलिस बोर्डिङ स्कुल घोडाघोडी–१ कैलाली (८७.५० प्रतिशत) ओ विहानी क्षितिज इंगलिस बोर्डिङ गौरीगंगा नगरपालिका–९ कैलाली (८७.५० प्रतिशत) नानल रहे ।

ओस्टेक करके सम्मानित हुइल विद्यार्थीमे आरएमएस विद्यालयके नितेश लम्साल (३.९१ जिपिए), किङ फिसर इंगलिस बोेर्डिङ स्कुलके हिमाल बोहरा (३.९१ जिपिए), विहानी क्षितिज स्कूलके हेमराज अवस्थी (३.९० जिपिए), आरएमएस विद्यालयके खगेन्द्र न्यौपाने (३.९० जिपिए), आरएमएस विद्यालयके सृजल साउँद (३.९० जिपिए), गुराँस एकेडेमीके विपिन कुवँर (३.८७ जिपिए), आरएमएस विद्यालयके मुकेश अधिकारी (३.८५ जिपिए), गुराँस एकेडेमीके आयूश विष्ट (३.८५ जिपिए), गुराँस एकेडेमीके डिलाश भट्ट (३.८५ जिपिए), आरएमएस विद्यालयके रैशी बोहरा, (३.८१ जिपिए), आरएमएस विद्यालयके लक्षमण चौलागाँई (३.८१ जिपिए) ल्यानल रहिट । उहाँहुकनहे कार्यक्रमके वरका पहुना, विशिष्ट पहुनाहुक्रे सम्मान करल रहिट ।
राष्ट्रिय नीजि तथा आवसिय विद्यालय एशोसियशन नेपाल (एन प्याब्सन) कैलालीके अध्यक्ष ललित साउदके अध्यक्षतामे हुइल कार्यक्रममे स्वागत मन्तव्य जिल्ला उपाध्यक्ष बरुण विष्ट ओ संचालन सचिव चेत कुँवर करल रहिट । राष्ट्रिय नीजि तथा आवसिय विद्यालय एशोसियशन नेपाल (एन प्याब्सन)मे कैलारी गाउँपालिकाके १२ ठो विद्यालय सदस्य रहल बटै ।
