थारु टेलिभिजनसे परिक्षण प्रसारण सुरु
पहुरा समाचारदाता
धनगढी, १५ कार्तिक । सुदूरपश्चिम प्रदेशके पहिल स्याटेलाइट थारु टेलिभिजन आजसे परिक्षण प्रसारण सुरु करले बा ।
सुदूरपश्चिम प्रदेशके कैलाली जिल्ला धनगढी उपमहानगरपालिका–८ शिवनगरमे प्रधान कार्यालय रहल थारु टेलिभिजनसे आजसे परिक्षण प्रसारण सुरु करल हो ।
सूचना विभागसे स्याटेलाईट मार्फत टेलिभिजन सञ्चालन कैना अनुमति पाइलपाछे आज पुजापाठ करटी परिक्षण प्रसारण सुरु हुइल थारु टेलिभिजन प्रालिके अध्यक्ष पोखम चौधरी जनैलै ।
थारु टेलिभिजनके कार्यकारी निर्देशक कुन्नु नारायण चौधरी यी टेलिभिजन सक्कु समुदायके भाषा, कला संस्कृतिहे समेटके लैजैना बटैलै । उहाँ कहलै, ‘थारु टेलिभिजन थारु समुदायहे ढेर महत्व डेलेसेफे रानाथारु, डोटेली समुदायके भाषा कला, संस्कृति परम्पराहे महत्व डेजाई ।’
परिक्षण प्रसारण उदघाटन कार्यक्रममे प्रालिके सञ्चालक बुन्दीलाल चौधरी, चन्द्रसिंह चौधरी, इन्दिरा चौधरी, सुनिता चौधरी चौधरी, नाथुराम महतों, राम प्रसाद चौधरीलगायत थारु पत्रकारहुकनके सहभागिता रहल रहे ।
