३६ किलो ६६२ ग्राम चरेश बरामद

पहुरा समाचारदाता
धनगढी, २९ कार्तिक । वडा प्रहरी कार्यालय धनगढीसे खटल प्रहरी टोली ३६ किलो ६६२ ग्राम लागु औषध चरेश बरामद करले बा ।

बुधके साँझ ७ बजे धनगढी उप–महानगरपालिका वडा नं. ०५ लब्ली चोकस्थित प्रहरी चेकजाँचके क्रममे अल्फाबेट नैखुलल १०७२ नम्बरके पल्सर एनएस मोटरसाइकलहे चेकजाँच करे खोजेबेर चालकसहित पाछे सवार व्यक्ति चरेश फेक्के फरार हुइल जिल्ला प्रहरी कार्यालय कैलालीके प्रवक्त कबिन्द्रसिंह बोहरा जनैलै ।

नाम, थर, वतन नैखुलल व्यक्ति उज्जर कलरके १ कट्टा (बोरा) मे ३६ किलो ६६२ ग्राम (प्लाष्टिक सहित) लागुऔषध चरेश फेक्के भागके फरार रहल ओ उ मोटरसाइकल ओ ओइने दुनु जानेक खोजतलास कार्य हुइटी रहल प्रहरी जनैले बा ।