धनगढी उपमहानगरसे सर्वसाधारणहे ३१४ पिन्ट निःशुल्क रगत उपलब्ध

पहुरा समाचारदाता
धनगढी, २९ कार्तिक । धनगढी उपमहानगरपालिकासे तीन महिनामे ९४ जनहनहे निःशुल्क रगत उपलब्ध करैले बा ।

उपमहानगरपालिकासे चालु आर्थिक वर्षके सावनसे कार्तिक २६ गतेसम सर्वसाधारणहे ३१४ पिन्ट रगत निःशुल्क उपलब्ध कराइल हो । उपमहानगरपालिकासे यी वर्षसे रगत आवश्यक पर्ना नगरबासीहे निःशुल्क रगत डेना व्यवस्था मिलाइल हो । धनगढी स्थायी बसोबास हुइल विरामीसे डाक्टरके सिफारिसमे नेपाल रेडक्रस धनगढी शाखासे निःशुल्क रगत डेना व्यवस्था मिलाइल हो । रेडक्रसहे त्रैमासिक रुपमे बिरामीसे लागल रगत बापतके रकम उपमहानगरसे भुक्तानी कैना सम्झौता करल बा ।

उपमहानगरसे वडा नम्बर १ मे १३ जाने, वडा नम्बर २ मे ४ जाने, वडा नम्बर ३ मे ५ जाने, वडा नम्बर ४ मे ८ जाने, वडा नम्बर ५ मे ५ जाने ओ वडा नम्बर ६ मे ४ जाने निःशुल्क रगत प्राप्त करल जनाइल बा ।

ओस्टेक करके, वडा नम्बर ७ मे ७ जाने, वडा नम्बर ८ मे ९ जाने, वडा नम्बर ९ मे ४ जाने, वडा नम्बर १० मे २ जाने, वडा नम्बर ११ मे ४ जाने, वडा नम्बर १२ मे ६ जाने निःशुल्क रगत प्राप्त करले बटै ।

ओस्टेक करके, वडा नम्बर १३ मे ७ जाने, वडा नम्बर १४ मे ३ जाने, वडा नम्बर १५ मे ४ जाने, वडा नम्बर १६ मे ५ जाने, वडा नम्बर १७ मे ३ जाने ओ वडा नम्बर १९ मे १ जाने निःशुल्क रगत प्राप्त करल उपमहानगर जनैले बा ।

निःशुल्क रगत प्राप्त करुइयामे ५२ प्रतिशत पुरुष ओ ४२ प्रतिशत महिला रहल बटै । ओस्टेक करके, सेवा लेहुइयामे ६१ प्रतिशत जनजाति, २० प्रतिशत ब्राह्मण÷क्षेत्री, १२ प्रतिशत दलित ओ १ प्रतिशत अन्य समुदायके रहल उपमहानगर जनैले बा । उपमहानगरसे उपचारके क्रममे कौनो बिरामीहे रगत तथा रगतजन्य पदार्थ आवश्यक परलेसे सोझे रेडक्रस कैलाली शाखामे सम्पर्क कैना ओ चिकित्सकके सिफारिसके आधारमे रगत उपलब्ध हुइना व्यवस्था मिलाइल बा । निःशुल्क रगत प्राप्त कैना वडा या पालिकाके सिफारिस आवश्यक नैपर्ना उपमहानगर जनैले बा ।