थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

घोरीघोरा लवांगी पूजा हुइना

पहुरा | १ मंसिर २०८१, शनिबार
घोरीघोरा लवांगी पूजा हुइना

पहुरा समाचारदाता
धनगढी, ०१ अगहन ।
कैलालीके जिल्लाके घोडाघोडी नगरपालिकामे रहल घोरीघोरा मन्दिरमे हरेक वर्ष जस्टे विवाह पञ्चमीके दिन थारु समुदायसे यी वर्ष लवाङी पूजा करेक लाग बटै ।

ॅहमार संस्कृति हमार पहिचान, संस्कृति जर्गेना करना हमार अभियान’ कना मुल नाराके साथ घोरीघोरा लवाङी पूजा तथा थारु संस्कृति महोत्सव २०८१ हुइना बा ।

थारु समुदायसे अपने उव्जाइल अन्नबाली अपने उपभोग कैनासे पहिले देउताहे चढाके खैना चलन अनुसार हरेक वर्ष विवाह पञ्चमीमे घोरीघोरा मन्दिरमे लवाङी पूजा तथा सांस्कृतिक महोत्सव २०६३ सालसे निरन्तर रुपमे करटी आइल बटै ।

घोरीघोरा नगरभल्मन्सा कार्य समिति, सन्त समागम समाज, घोरीघोरा तथा संस्कृति सरक्षण समाजके आयोजनामे हुइना लवाङी पूजा तथा थारु महोत्सव यिहे कुवाँर १९ से २१ गते सम हुइना आयोजक पत्रकार सम्मेलन करके जानकारी डेले बा ।

महोत्सव आयोजक मुल समितिके सयोजक बुधराम चौधरी पत्रकारहुकनसंग बाट करटी महोत्सवके उद्देश्य, कार्यक्रम उप्पर प्रकाश परटी कहलै थारु समुदायसे हरेक वर्ष अपनेहुक्रे अन्नबाली घरमे भिटराइलपाछे अपन परम्परा अनुसार देवीदेउटाहुकनहे चह्रैना ओ अपने खैना, लवाङी पूजा करेबेर अपन धर्म संस्कृति, चाडपर्वसंगे कला संस्कृति जोगैना उद्देश्यसे हरेक वर्ष लवाङी पूजा करजैना बटैलै ।

लवाङी पूजाके लाग कैलाली, कञ्चनपुर, बर्दिया, बाँके ओ दाङसे समेत अइना करल बटै ।

लवांगी पूजाहे व्यवस्थित करटी थारु समुदायके कला संस्कृतिहे अइना पुस्तासम जोगैटी रना थारु महोत्सव कैना बटैलै । थारु समुदायसे देशावरके पूजा कैना करल रहिट । थारु समुदायसे पञ्च तत्वके पूजा कैना करल बा । थारु समुदायमे रहल बर्का नाँच, सखिया नाँच, मुंग्रहुवा नाँच, कठघोरी नाँच, लगायत नाँच डेखैनाके साथे स्थानीय तथा राष्ट्रिय थारु कलाकारहुकनके पस्तुति रनाफे जानकारी डेहल बा ।

कार्यक्रममे बोल्टी सन्त समागम समाज अध्यक्ष कप्तान चौधरी घोडाघोडीमे हुइना लवांगी पूजामे १ सय ७३ गाउँके भल्मन्सा, गुरुवा, चिराकी, अइना हुइल ओरसे यिहीहे व्यवस्थित बनैटी रमाइलो मेलाफे धरना बटैलै ।

घोरीघोरा ताल विश्व रामसार सूचीमे रहल तलुवा हो हम्रे यकर सरक्षण, सदुपयोग करटी विश्वव्यापी प्रचारप्रसार कैना महोत्सव करे लागल उहाँ बटैलै । कार्यक्रमके सञ्चालन घोरीघोरा नगर भल्मन्सा कार्य समितिके सचिव अमन चौधरी करल रहिट ।

जनाअवजको टिप्पणीहरू