समावेशिता ओ लैङिक असमानताबारे कार्यशाला

पहुरा समाचारदाता
सुखड, २ अगहन । सामाजिक पुँजी, लैंगिक असमनताके मापदण्ड ओ अभ्यास परिवर्तनके लाग प्रदेश स्तरीय कार्यशाला सुखडमे हुइल बा ।

दिगो विकास भजनीके आयोजनामे अष्टे«लियन एड ओ लुथरन विश्व फेडरेशनके सहयोगमे लैंगिक रुपान्तरण परियोजना अन्र्तगत सामाजिक अभियन्ता, सीमान्तकृत समुदायके सहभागितामे कार्यक्रम कैगिल हो ।

दिगो विकास भजनीके अध्यक्ष रामबहादुर सुनारके अध्यक्षतामे हुइल कार्यक्रममे प्रदेश निर्वाचन कार्यालयके प्रमुख प्रेमराज भट्ट ओ डिआडी मिसन टु नेपालके निर्देशक तथा अपाङता अभियन्ता नन्दराज भट्ट सहजीकरण करल रहिट ।
प्रदेश निर्वाचन कार्यालयके प्रमुख प्रेमराज भट्ट लैगिक तथा समावेशीकरण सम्बन्धी विषयवस्तु सहजीकरण करटी तीन तहमे जौन मेरिक महिला, सीमान्कृत समुदाय, दलित समुदायके सहभागिता हुई पर्ना रहे ओसिन नैहुइल डेखल जनैलै ।
उहाँ कहलै, ‘कानून बमोजिम राष्ट्रिय सभा, प्रतिनिधि सभामे महिलाके सहभागिता हुइलेसे प्रदेश ओ स्थानीय प्रमुख ओ उपप्रमुखसे लेके वडास्तरमे सहभागिता न्यून डेखल बा ।’

स्थानीय तहके निर्वाचनमे दुई जाने महिला अनिवार्य कैडेहल कारण तल्लोस्तरमे सहभागिता ढेर डेखलेसेफे निर्णायक तहमे सहभागिता हुइ नैसेकल उहाँ जनैैैलै ।
२०७४ सालके स्थानीय तहमे निर्वाचनमे ९० हजार ५ सय १८ जाने (६१.०१ प्रतिशत) पुरुष निर्वाचित हुइलमे महिला भर ५७ हजार ८ सय ४२ जाने (३८.९९ प्रतिशत) महिला केल निर्वाचित हुइल रहिट । कलेसे अन्य समुदायके जम्मा २ जाने निर्वाचित हुइल रहिट ।

ओस्टेक करके २०७९ सालके स्थानीय तह निर्वाचनमे पुरुष ८९ हजार ३ सय १४ जाने (६१.५९ प्रतिशत) निर्वाचित हुइलमे महिला ५५ हजार ६ सय ९९ (३८.४१) प्रतिशत निर्वाचित हुइल उहाँ जनैलै ।
७५३ ठो स्थानीय तह मन्से २०७४ सालके निर्वाचानसे प्रमुख तथा अध्यक्ष पदमे जम्मा १८ जाने निर्वाचित हुइलमे २०७९ सालके निर्वाचानमे २२ जाने निर्वाचित हुइल बटै ।

महिलासे उम्मेदवारी डेहल तथ्यांक हेरेबेर २०७४ सालमे ५७ हजार ८ सय ४२ जाने उम्मेदवारी डेहलमे १४ हजार ३ सय ५१ जाने केल विजयी हुइल रहिट । जेम्ने निर्णायक पद प्रमुखमे ७ जाने, अध्यक्षमे ११ जाने, उप्रमुख २ सय ७६ जाने, उपाध्यक्ष ४ सय २४ जाने ओ वडा अध्यक्ष ६१ जाने केल विजयी हुइल रहिट ।

ओस्टेक २०७९ सालमे ५५ हजार ६ सय ९९ जानेक उम्मेदवारी परलमे १४ हजार ४ सय ४५ जाने विजयी हुइल बटै । जेम्ने निर्णायक पद प्रमुखमे १३ जाने, अध्यक्षमे १२ जाने, उप्रमुख २ सय ३२ जाने, उपाध्यक्ष ३ सय ३५ जाने ओ वडा अध्यक्ष ६९ जाने केल विजयी हुइल रहिट ।

प्रतिनिधिसभामे कुल सदस्य २७५ मन्से महिला ९१ प्रतिशत, राष्ट्रिय सभामे कुल संख्या ५९ मन्से महिला २२ जाने, प्रदेशसभा सदस्य कुल संख्या ५५० रहलमे महिलाके संख्या १८३ रहल बा । ओस्टेक करके २०७९ सालके स्थानीय तहम कुल निर्वाचित प्रतिनिधि ३५ हजार ४१ जाने मन्से महिला प्रतिनिधि १४ हजार ४ सय ४, मेयर÷अध्यक्ष १९४ जाने, उपमेयर÷उपाध्यक्ष ७ सय ५० जाने, वडा अध्यक्ष २ सय ३९ जाने, महिला ६ हजार ६ सय ७२ ओ दलित महिला सदस्य ६ हजार ५ सय ४९ जाने निर्वाचित हुइल बटै । महिलाके ३३ प्रतिशत प्रतिनिधित्व सुनिश्चित हुइलेफे प्रमुख कार्यकारी (मेयर, अध्यक्ष) पदमे भर अनुपात बहुट कम रहल निर्वाचन कार्यालयके प्रमुख भट्ट बटैलै ।

२०७९ सालमे संघीय संसदमे समानुपतिक प्रतिनिधित्व हेरेबेर दलित १३ जाने जनजाती ६५, मधेशी ५४, थारु १५, मुस्लिम ९ जाने रहल बटै ।
महिलाहुक्रे आर्थिक रुपमे निर्भर नैहुइल, राजनितिक, सामाजिक कारणसे पाछे परल उहाँ बटैलै ।
ओस्टेक करके डिआडी मिसन टु नेपालके निर्देशक तथा अपाङता अभियन्ता नन्दराज भट्ट सहजीकरण करटी अब्बेक परिस्थिति हेरेबेर लैगिक समावेशीकरणके अभाव हुइल बटैलै ।

स्थानीय तहके लैगिक समनता तथा सामाजिक समावेशीकरण नीति २०७४ के नमुना बारे जानकारी डेहल रहिट । सामाजिक ओ आर्थिक अवसरमे समान सहभागिता सुनिश्चित करके लैगिक मुलप्रवाहीकरण ओ सशक्तीकरण कैना अब्बेक जरुरी रहल बटैलै ।

स्थानीय तहके लैगिक समनता तथा सामाजिक समावेशीकरण नीतिसे त्रिवर्षिय योजनासे हालसम समावेशीकरणमे जोर डेहल विषय क्षेत्रमे मधेशी, मुस्लिम एवम पिछरल समुदायके विकास कैना, दलित समुदायके समावेशीकरण, आदिवासी जनजाती उत्थान, दुर्गम ओ सुगम क्षेत्रके सन्तुलित विकास ओ अपाङता हुइल व्यक्ति रहल बटैलै । समावेशीता केकर लाग, केकर आधारमे, समता असमनताबारेफे जानकारी डेहल रहिट ।

कार्यक्रममे दिगो विकास समाज भजनीके अध्यक्ष रामबहादुर सुनार, नेपाल पत्रकार महासंघ कैलालीके सचिव प्रेम चौधरी, दलित महिला अधिकार मञ्चके सदस्य नमसरा नेपालीलगायत मन्तव्य राखल रहिट । कार्यक्रमके संचालन दिगो विकास भजनीसे सञ्चालित ‘लैंगिक रुपान्तरण परियोजना’के परियोजना सहायक बासुदेव चौधरी करल रहिट । कार्यक्रममे सामाजिक अभियन्ता, भल्मन्सा, टमान महिला समुह, सीमान्तकृत समुदायके प्रतिनिधित्व रहल रहे ।