दुई दिने पत्रकारिता प्रशिक्षण सुरु

पहुरा समाचारदाता
धनगढी, ३ अगहन । सामुदायिक वनमे हुइना लैंगिक हिंसाके न्यूनीकरण करना उद्देश्यके साथ धनगढीमे सोम्मारसे दुई दिने पत्रकारिता प्रशिक्षण सुरु हुइल बा ।
डीसीएके सहयोगमे राष्ट्रिय आदिवासी जनजाति महिला महासंघ ओ दलित महिला अधिकार मञ्चसे सञ्चालित ‘वुमेन इन्भाइरोमेन्ट ह्युमेन राइट डिफेन्डरस् रेजिस्टिंग जेण्डर वेसड् भोइलेन्स (रेजिस्ट) परियोजना’ अन्तर्गत हुइल प्रशिक्षणमे २० जाने पत्रकारहुकनके सहभागिता रहल बा ।
प्रशिक्षण कार्यक्रममे सामुदायिक वनके मार्गदर्शन, सामुदायिक वनमे रहल विपन्न, दलित, महिला, आदिवासी, जनजाति, मधेसी, अपांगता रहल व्यक्ति, सीमान्तकृत उपभोक्ताहुकनके अवस्था ओ परियोजनाके उद्देश्यके विषयबारे छलफल हुइल रहे ।
प्रशिक्षकमे पत्रकार वसन्तप्रताप सिंह रहल बटै । कार्यक्रममे परियोजनाके कार्यक्रम व्यवस्थापक सूर्या विश्वकर्मा, राष्ट्रिय आदिवासी जनजाति महिला महासंघके सुदूरपश्चिम कार्यक्रम संयोजक ईन्दु थारुलगायत सहजीकरण करले रहैं ।
