मुक्त कमलहरीनहे ढकिया बिन्ना तालिम
पहुरा समाचारदाता
धनगढी, ६ अगहन । कैलाली, कञ्चनपुरके मुक्तकमलरीहुँक्रनके लाग १४ दिने ढकिया बिन्ना तालिम सुरु हुइल बा ।
मुक्त कमलरी विकास मञ्च दाङके आयोजना व अन्तर्राष्टिय आदिवासी महिला मञ्च (फिमी)के आर्थिक सहयोगमे कैलाली जिल्लाके कैलारी गाउँपालिका व टीकापुर नगरपालिकामे ३० जान ओ कञ्चनपुर जिल्लाके बेदकोट नगरपालिका, भीमदत्त नगरपालिकाके ३० जाने कैके ६० जाने मुक्तकमलरी डिडिबहिनीयाहुँक्रनके लाग ढकिया बिन्ना डेजैटी रहल हो ।
तालिममे दुनु जिल्लाके चार पालिकासे १५÷१५ जाने सहभागी रहल मुक्त कमलरी तथ्यांक संकलनकर्ता तथा कन्सटेन्ट विनोदकुमार चौधरी जनैैलै ।
कैलाली जिल्लाके मुक्तकमलरीहुँक्रनके लाग भजनीमे ओ कञ्चनपुरके मुक्तकमलरीहुँक्रनके लाग भीमदत्त नगरपालिकामे तालिम हुइटी रहल मुक्तकमलरी विकास मञ्च बर्दियाके कार्यक्रम संयोजक अमित तमाङ जानकारी डेले ।
मुक्तकमलरी डिडी बहिनीयाहुँक्रनहे घाँस जातके पुन्जा, कसुङगासे बनाजैना ढकिया, डेलुवा, ढक्ली, पनछोप्नी, फेरुवा, सुप्लीलगायत मेरमेराइक भाँरा बिन्ना सिखाजैटी रहल उहाँ जनैलै ।
टीकापुरके मुक्तकमलरी पवित्राकुमारी चौधरी तालिममे सहभागिता हुई भेटाके ढकिया, डेलुवा बिने सिख्न अवसर मिलल बटैली । उहाँ कहली, ‘आब्बक पिढी पुर्खानके सिखाइल सीप विस्रैटी गैल ओरसे यी तालिम अपन लाग भारी अवसर मिलल बटैली ।
