व्यवस्थापन संकायमे टपर भट्ट सम्मानित
पहुरा समाचारदाता
धनगढी, १२ अगहन । व्यवस्थापन संकायमे त्रिभुवन विश्वविद्यालयसे देशभरमे उत्कृष्ट हुइना सफल धरणीधर भट्टहे आज सम्मान कैगिल बा ।
कैलाली बहुमुखी क्याम्पस ओ स्वतन्त्र विद्यार्थी युनियनके आयोजनामे हुइल एक समारोहबिच उहाँहे सुदूरपश्चिम प्रदेश सरकारके सामाजिक विकास मन्त्री मेघराज खडका सम्मान करल रहिट ।
कैलाली बहुमुखी क्याम्पसमे अध्ययनरत भट्ट ब्याचलर अफ बिजनेस म्यानेजमेन्ट (बिबिएम) कार्यक्रममे देशभरमे उत्कृष्ट हुइना सफल हुइल रहिट । भट्ट औसत ३.९५ जिपिए ल्यानके त्रिभुवन विश्वविद्यालय व्यवस्थापन संकायमे देशभरमे उत्कृष्ट स्थान हासिल कैना सफल हुइल कैलाली बहुमुखी क्याम्पसके सहायक क्याम्पस प्रमुख डा. लोकबहादुर विष्ट जानकारी डेलै ।
उहाँक अनुसार भट्ट पहिल सेमेस्टरमे ३.८८, दुसरामे ३.९६, टिसरामे ३.९८, चौठामे ३.९९, पाँचुवामे ३.९४, छैटौंमे ३.९६, सातौंमे ३.८९ ओ आठौं सेमेस्टरमे ३.९८ जिपिए प्राप्त करल रहिट ।
