६ लाखके भन्सार छलीके सामान बरामद

पहुरा समाचारदाता
धनगढी, १३ अगहन । जिल्ला प्रहरी कार्यालय कैलाली ओ मातहतसे खटके गैल प्रहरी टोली जिल्लाके टमान ठाउँसे ६ लाख २ हजार ६५० रुप्याके भन्सार छलिके अवैध सामान बरामद करले बा ।

जिल्लाके टमान ठाउँमे रहल भारतिय नाकासे भन्सार छली करके ल्यानल अवैध मालसामान फेला पारके बरामद करके आवश्यक कारवाहीके लाग भन्सार कार्यालय पठागिल जिल्ला प्रहरी कार्यालय कैलालीके प्रवक्ता कविन्द्र सिंह बोहरा जनैनै । कैलाली धनगढी उप–महानगरपालिका स्थित आदर्श चोक ओ त्रिबेणीघाटसे रु.३२ हजार ७५० बराबरके मच्छी, चिनी, प्याज ओ किराना सामान फेला पारल बा ।

कैलालीके गोदावरी नगरपालिका वडा नं. ०३ चौकीडाडासे रु.२ लाख ३१ हजार ८ सय बराबरके कपडा फेला पारल बा । कैलालीके कैलारी गाउँपालिका वडा नं. ०५ मनिकापुरसे रु.१ लाख ९५ हजार ५ सय बराबरके २०० एएच ईनभटर, ब्याट्री, कपडा ओ नाईलन रसी फेला पारल बा ।

कैलाली टिकापुर नगरपालिका वडा नं. ०८ बेलुवासे रु.१ लाख ८ हजार ४ सय बराबरके तेल, मोजा, सिढरा मच्छी मम्फली बरामद करले बा ।

ओस्टेक करके कैलाली भजनी नगरपालिका स्थित काँडा ओ पहलवानपुरसे रु.३० हजार २ सय बराबरके सिढरा मच्छी, हरियर मिर्चा ओ सिंगायर बरामद करल बा करल बा ।

ओस्टे कैलालीके जोशीपुर गाउँपालिका वडा नं. ०३ फाडियासे रु.४ हजार बराबरके चिनी बरामद करल बा प्रवक्ता बोहरा बटैलैं ।