अन्तर्राष्ट्रिय दिवस साप्ताहव्यापी मनैटी
पहुरा समाचारदाता
धनगढी, १४ अगहन । राष्ट्रिय अपांग महासंघ नेपाल सुदूरपश्चिमके आयोजनामे ३३ औं अन्तर्राष्ट्रिय दिवसके अवसरमे धनगढीमे टमान कार्यक्रम सहित सप्ताहव्यापी रुपमे मनैना हुइल बा ।
महासंघसे शुकके धनगढीमे पत्रकार सम्मेलन मार्फत जानकारी डेहल हो । महासंघके अध्यक्ष मानबहादुर साउँद अन्तर्राष्ट्रिय दिवसके अवसरमे इहे अगहन १४ गतेसे गतेसम टमान कार्यक्रम सहित एक अँठ्वारसम मनैना जानकारी डेलै ।
उहे कार्यक्रम अन्तर्गत अगहन १८ से २० गते तीन दिन प्रर्दशनी मिनि महोत्सव फेन आयोजना हुइना जनाइल बा । प्रर्दशनी महोत्सव धनगढी उपमहानगरपालिका गेट आघे आयोजना हुइना अध्यक्ष साउँद जानकारी डेलै ।
‘अपांगता रहल व्यक्तिहुक्रनके श्रमके सम्मान, आर्थिक सशक्तिकरण ओ समाज रुपान्तरणके अभियान’ कना मुल नाराके साथ अपांगता रहल व्यक्तिहुक्रनसे सञ्चालित लघु, घरेलु तथा साना उद्योगसे उत्पादित बस्तुके प्रदर्शनी महोत्सवके आयोजना हुइना जनाइल हो ।
महोत्सवमे सचेतना मुलक अन्तरकृया, लोकसांस्कृतिक कार्यक्रम, निःशुल्क स्वास्थ्य चेकजाच, सीप तथा कला प्रदर्शनी ओ उत्कृष्ट कार्यके सम्मान लगायतके कार्यक्रम रहना जनाइल बा ।
कार्यक्रमहे भव्य तथा व्यवस्थित रुपमे सफल पारक लाग सरोकारवाला सरकारी तथा गैरसरकारी संघसंस्थाके सहयोग रहना फेन अध्यक्ष साउँद जानकारी डेलै ।
