बाजुराके स्वामीकार्तिकके उपाध्यक्षमे एमाले विजयी
पहुरा समाचारदाता
धनगढी, १७ अगहन । बाजुराके स्वामीकार्तिक खापर गाउँपालिकाके उपाध्यक्षमे नेकपा एमालेके सुलोचनाकुमारी भण्डारी बुढा विजयी हुइल बटी ।
भण्डारी अपन निकटतम प्रतिद्वन्द्वी नेपाली कांग्रेसके पुल्तीसरा शाहीहे हरैटी बुढा विजयी हुइल हुइट । विजयी हुइल बुढा १७४० मत पैले बटी कलेसे कांग्रेसके शाही १४७४ मत पाइल रही । माओवादीके समर्थन पाइल नेकपा एकीकृत समाजवादीके जवा शाही ५५३ मत पैली ।
अघिल्का निर्वाचनमे यहाँ काँग्रेसके मैनादेवी जोशी निर्वाचित हुइल रही । उहाँक निधन हुइलपाछे उपनिर्वाचन हुइल हो
ओस्टेक करके बझाङके सुर्मा–४ वडाध्यक्ष पदमे नेपाली कांग्रेस विजयी हुइल बा । कांग्रेस उम्मेदवार धीरेन्द्र पुजारा छ सय ५७ मत प्राप्त करके निर्वाचित हुइल बटै ।
उहाँक निकटतम प्रतिष्पर्धि नेकपा (एमाले)के उम्मेदवार लखिचन्द्र बोहरा चार सय ८७ मत प्राप्त करल निर्वाचन कार्यालय जनैले बा ।
