संगम सहकारीके १२औं वार्षिक साधारण सभा

आर्थिक बर्ष २०८०÷०८१ मे ३७ करोड ५९ हजार निक्षेप बचत

पहुरा समाचारदाता
धनगढी, २१ अगहन । संगम बचत तथा ऋण सहकारी संस्था लिमिटेडके १२ औ वार्षिक साधारण सभा सम्पन्न हुइल बा ।
संस्थाके अध्यक्ष मनमोहन विष्टके अध्यक्षतामे हुइल १२औं बार्षिक साधारण जेष्ठ शेयर सदस्य माया कार्कीके बरका पहुनामे शुकके रोज धनगढीमे हुइल हो ।

संस्थाके अध्यक्ष बार्षिक प्रतिवेदन प्रस्तुत करटी आर्थिक बर्ष २०८०÷०८१ मे निक्षेप बचत ३७ करोड ५९ हजार ९ सय ५ रुप्या ८० पैसा पुगल बटैलै । गैल आ.व २०७१÷०८० मे सस्थाके कुल शेयर पुँजी ३ करोड ११ लाख २५ हजार २ सय केल रहलमे आ.व २०८०÷०८१ मे ३ करोड ५५ लाख ५ हजार ३ सय पुगल उहाँ जनैलै । ओस्टेक करके बचतओर आ.व २०७९÷०८० मे २९ करोड ४० लाख ५६ हजार ४ सय ९ रुप्या ३५ पैसा रहलमे आर्थिक बर्ष २०८०÷०८१ मे निक्षेप बचत ३७ करोड ५९ हजार ९ सय ५ रुप्या ८० पैसा पुगल बटैलै ।

१२ वर्षसम आपुगेबेर सबसे ढेर कोरोनाके बेला चुनौतीके सामना करे परल उहाँ बटैलै । नेपालमे सहकारी संस्थासे समाज ओ आर्थिक क्षेत्रमे महत्वपूर्ण योगदान पुगैटी आइल बटैटी सहकारी संस्थासे स्थानीयस्तरमे रोजगारी सृजना कैना आय वृद्धि कैना ओ सामाजिक तथा अर्थिक विकासमे विशेष योगदान डेहल उहाँ बटैलै ।
सहकारीसे स्थानीय स्रोतसाधनके अधिकतम उपयोग करटी जनताके आर्थिक शसक्तिकरण ओ सदस्यके अपने व्यवसाय संचालन कैना मद्दत पुगल उहाँ जनैलै ।

सहकारीसे कृषकहे मल विउ, औजार, तथा कृषि सामग्रीके सहज पहुच कराके कृषि उत्पादनमे वृद्धि कराइल बा । कृषि उत्पादनके बजार व्यवस्थापन, वित्तीय सहायता, ओ कृषि शिक्षा तथा तालिमके व्यवस्था करटी आइल बा । स्थानीय समुदायमे रोजगारी सृजना करटी बेरोजगारीके समस्याहे कुछ हदसम सामाधान करले बा । छोट व्यवसाय उद्यम तथा घरेलु उद्योगहे सहयोग पुगाके सहकारी संस्थासे रोजगारीके अवसर बह्रैले बा ।

सहकारी संस्थामे महिलाके भारी सहभागिता रहल बा । सहकारी संस्थासे महिलाहे आर्थिक ओ सामाजिक सशक्तिकरणमे सहयोग पुगैटी सामान अवसर ओ अधिकारके लाग काम करटी आइल उहाँ जनैलै ।
सहकारी संस्थासे शिक्षा, स्वास्थ्य, ओ प्रयावरण संरक्षण जैसिन क्षेत्रमेफे योगदान पुगैटी आइल बा ।

यी संस्थासे हसुलिया, मसुरिया, अत्तरिया, धनगढी, मनहेरा क्षेत्रमे वित्तीय सचेतना, सहकारी शिक्षा कार्यक्रम संचालन करल अध्यक्ष बटैलै । लागुऔषध दुव्र्यसन न्युनिकरणके लाग लागुऔषध सम्बन्धी सचेतना कार्यक्रम, हसुलियाके ग्रामीण क्षेत्रमे कृषिजन्य बिउ बिजन, मल सामाग्रीके लाग वितरण करटी आइल बा ।

समुदायमे हित हुइना काम रक्तदान कार्यक्रम, असायहुकनहे राहातके लाग राहात प्याकेज, सामुदायिक विकासके लाग संस्थासे अपन क्षमता अनुरुप हरेक क्रियाकलाप करटी आइल बा । अइना दिनमेफे यैसिन क्रियाकलाप निरन्तर रुपमे आघे बह्रैटी लैजैना अध्यक्ष विष्ट जनैलै ।

कार्यक्रममे संस्थाके कोषाध्यक्ष हेमराज पाण्डेय आर्थिक बर्ष २०८०÷०८१ सालके लेखा परिक्षणके प्रतिवेदन प्रस्तुत करल रहिट ।
आर्थिक वर्ष २०८०÷२०८१ सालके असार मसान्तसमके वासलात प्रस्तुत करटी सेयर पुँजी ३ करोड ५५ लाख ५ हजार ३ सय, साधारण जगेडा कोष २ करोड ४२ लाख ९७ हजार ७३ रुप्या ५४ पैसा, अन्य कोष ७८ लाख ७४ हजार ३६ रुप्या ३२ पैसा रहल जनैलै ।

कर्जा जोखिम व्यवस्था १ करोड ५३ लाख ६ हजार १ सय ७६ रुप्या, निक्षेप हिसाव बचत ३७ करोड ३८ लाख ५९ हजार ९ सय ५ रुप्या ८० पैसा, कर्जा तथा सापटी ७ करोड २६ लाख २३ हजार ९ सय ७५ रुप्या ४० पैसा, चालु दायित्व तथा व्यवस्था २५ लाख १९ हजार ६ सय ३ रुप्या ६० पैसा, अन्य दिर्घकालिन दायित्व १० लाख २९ हजार ५ सय ३१ रुप्या ५० पैसा रहल जनैलै । जम्मा दायित्व ओर ५३ करोड ३९ लाख २१ हजार ४ सय ५ रुप्या ६५ पैसा रहल उहाँ जनैलै ।

ओस्टेक करके स्वीर सम्पत्ति ओर ८२ लाख १ हजार ८ सय ९९ रुप्या ४९ पैसा, नगत मौज्दात ६३ लाख ९३ हजार ६ सय २ रुप्या ओ बैंक मौज्दात १० करोड ११ लाख १३ हजार ४ सय ८४ रुप्या २० पैसा रहल उहाँ जनैलै ।
चालु सम्पति हिसाव ३६ लाख ३७ हजार १ सय ६९ रुप्या ६ पैसा, कर्जाओर लगानी ४० करोड २ लाख ४५ हजार ४ सय ५० रुप्या ९० पैसा, लगानी १ करोड ४३ लाख २९ हजार ८ सय रहल बा ।

संस्थाके कुल सम्पति ५३ करोड ३९ लाख २१ हजार ४ सय ५ रुप्या ६५ पैसा रहल कोषाध्यक्ष जनैलै ।
संस्थाके व्याज आम्दानी ५ करोड ९ लाख ८० हजार ६ सय ८४ रुप्या ४० पैसा, व्याज खर्च ३ करोड ६२ लाख ४० हजार ८ सय १५ रुप्या ४० पैसा, अन्य आम्दानी १ करोड ६ लाख १० हजार ४ सय ४१ रुप्या, हास कट्टि ६ लाख २५ हजार रुप्या ९० पैसा ९०, कर्मचारी खर्च १ करोड १७ लाख ३६ हजार ५ सय ४८ रुप्या, सञ्चालन खर्च ३६ लाख २४ हजार ७ सय ४० रुप्या ४० पैसा, कर्जा जोखिम व्यवस्था २७ लाख २० हजार ६ सय ४३ रुप्या ३३ पैसा रहल उहाँ जनैलै ।

१२औं वार्षिक साधारण सभामे सहकारीसे सम्मान कार्यक्रम

संगम बचत तथा ऋण सहकारी संस्था लिमिटेडसे १२ औ वार्षिक साधारण सभामे सहकारीहे टमान क्षेत्रसे योगदान पुगुइयाहे सम्मानफे करले बा । सम्मानित हुइलमे असल बचतकर्तामे कुमार सुनार, इन्दिरा चापागाई, लक्की शाह, नरबहादुर ऐर, जीवन राना, शुसिला श्रेष्ठ, खुशीराम चौधरी, शरानीदेवी डगौरा, राज खडका रहल बटै । यिहे सहकारीसे अध्यक्ष मनमोहन विष्ट व्यक्तिगत रुपमे दुष्टि फाउण्डेशनके लाग संचालिका कल्पना भट्टहे ५ हजार ५ रुप्या दान करल रहिट । कार्यक्रमके संचालन लेखा समिति सदस्य कालुराम चौधरी करल रहिट ।