खैरो हेरोईनसहित ७ जाने पक्राउ
पहुरा समाचारदाता
धनगढी, २३ अगहन । कैलालीके टमान ठाउँसे करिब १२ ग्राम लागु औषध ख्रैरो हेरोइनसहित ७ जाने पक्राउ परल बटै ।
लागु औषध ब्युरो धनगढी, जिल्ला प्रहरी कार्यालय कैलाली ओ मातहतसे खटके गैल प्रहरी टोली कैलालीके टमान ठाउँसे सात जाने पक्राउ परल बटै ।
धनगढी उप–महानगरपालिका वडा नं. ०४ भाटभटेनी लग्गेसे बर्ष २७ के महेश भट्टहे शंका लागके चेकजाँच करेबेर २ ग्राम ४७० मिलिग्राम खैरो हेरोइन फेला परल प्रहरी जनैले बा ।
धनगढी उप–महानगरपालिका वडा नं. १२ पट्टीघाट वडा नम्बर ७ बैठना बर्ष १८ के राजेश राना ओ बर्ष २५ के राम गोपाल रानाहे १ ग्राम ३४० मिलिग्राम, जिल्ला कैलाली जानकी गाउपालिका वडा नं. ०९ खैरीफाटा बैठना बर्ष १९ के सचिन रावलहे ३ ग्राम ९८० मिलिग्राम खैरो हेरोइनसहिट पक्राउ करल बा ।
ओस्टेक करके कैलाली धनगढी उप–महानगरपालिका वडा नं. ०४ यातायात कार्यालय लग्गे बर्ष २८ के गोपाल रामजाली मगरहे ५१० मिलिग्राम ओ धनगढी उप–महानगरपालिका वडा नं. ०८ संगम टोल बैठना वर्ष २८ के सुरेश चौधरीके घरमे लुकाई–छिपाई धारल १ ग्राम ५९० मिलिग्राम ओ वडा ०१ वैठना बर्ष २८ के मनिष चौधरीके थेनसे १ ग्राम ८४० मिलिग्राम करके जम्मा ११ ग्राम ७३० मिलिग्राम लागु औषध (खैरो हेरोईन) सहित ७ जनहनहे पक्राउ करके थप अनुसन्धान कार्य हुइटी रहल जिल्ला प्रहरी कार्यालय कैलालीके सह प्रवक्ता दर्शन खडका जनैलै ।
