साईकल यात्री शाह चैतन्य पाठशालाके ब्राण्ड एम्बेसडर नियुक्त
पहुरा समाचारदाता
धनगढी, २३ अगहन । चैतन्य पाठशाला धनगढीसे फार्वेस्टर्न राईडरके नामसे चिन्नाह साईकल यात्री भरत विक्रम शाहहे ब्रान्ड एम्बेसडरमे नियुक्त करले बा ।
साईकल संस्कृतिसंगे सुदूरपश्चिमके पर्यटन प्रवद्र्धनमे सक्रिय शाहहे अँटवार चैतन्य पाठशालाके अध्यक्ष गणेशप्रसाद जोशी ब्राण्ड एम्बेसडर नियुक्त करल हुुइट ।
अध्यक्ष जोशी अँटवार चैतन्य पाठशालाके विहानी प्रार्थना सभामे शाहहे एम्बेसडरके नियुक्ति पत्र हस्तान्तरण करलै । जोशी सुदूरपश्चिमके पर्यटन प्रवद्र्धन ओ साईकल संस्कृतिके विकासमे पु¥याइल योगदानके कदर करटी शाहहे ब्राण्ड एम्बेसडर नियुक्त करल बटैलै ।
शाह शिक्षा ओ संस्कारके सङ्गम प्रकृति ओ संस्कृतिके सम्मानके लाग चिन्हा चैतन्य पाठशालासे अपनहे ब्राण्ड एम्बसेडर नियुक्त करलमे धन्यवाद डेलै ।
शाहसे चैतन्य पाठशालाके अध्यक्ष जोशी अपनहे ब्राण्ड एम्बेसडर नियुक्त करके साईकल संस्कृति ओ पर्यटन प्रवद्र्धनमे लग्टी रहन हौसला प्रदान करल बटैलै ।
