खैरो हेरोईनसहित १ जाने पक्राउ

पहुरा समाचारदाता
धनगढी, २७ अगहन । ईलाका प्रहरी कार्यालय मालाखेतीके अपराध अनुसन्धान समुहसे लागु औषध खैरो हेरोईनसहित १ जाने पक्राउ परल बटै ।

प्रहरी टोलीसे जिल्ला कैलाली धनगढी उप–महानगरपालिका वडा नं. १३ बैठना बर्ष १९ के अर्जुन खड्काहे गोदावरी नगरपालिका वडा नं. ०१ धनगढी रोडमे नेग्टी रहल बेला शंका लाग चेकजाँच करेबेर २ ग्राम ८६० मिलिग्राम लागु औषध (खैरो हेरोईन) फेलापारके नियन्त्रणमे लेहल हो । आवश्यक कारवाहीके लाग ईलाका प्रहरी कार्यालय मालाखेतीमे धारके थप अनुसन्धान कार्य कैटी रहल जिल्ला प्रहरी कार्यालय कैलाली जनैले बा ।