नमस्ते सहकारीसे १६औं वार्षिकोत्सव मनाइल

पहुरा समाचारदाता
धनगढी, २७ अगहन । कैलालीके धनगढी उपमहानगरपालिका–८ मे नमस्ते बचत तथा ऋण सहकारी संस्था लिमिटेड विफेक रोज १६औं वार्षिकोत्सव मनैले बा ।

संस्थाके अध्यक्ष जगतराम चौधरीके अध्यक्षतामे हुइल कार्यक्रममे संस्थाहे यहाँसम पुगैना शेयर सदस्य, कर्मचारीहुकनके भारी योगदान रहल बटैलै ।

थारु समुदायमे आर्थिक क्रान्तिके लाग स्थापना हुइल सहकारीसे व्यवसायी, कृषक, विद्यार्थी, सर्वहाराहुकन प्रत्यक्ष रुपमे सहयोग पुगल उहाँ बटैलै ।

प्रधान कार्यालय धनगढीमे रहल सहकारीसे कैलालीके और ठाउँमे सेवा विस्तार कैना सोच लेके आघे बह्रल उहाँ बटैलै ।
कार्यक्रममे सहकारीके उपाध्यक्ष रोहित चौधरी, सचिव खडकबहादुर चौधरी, बोर्डके कार्यसमिति सदस्य इन्दिरा चौधरी, कोषाध्यक्ष महेश चौधरी, कार्यसमिति सदस्य नन्दलाल चौधरी, विजय महतो, लेखा तथा सुपरीवेक्षण समिति संयोजक रामदास चौधरी, सहकारी प्रवन्धक विजय चौधरीलगायत कर्मचारीहुकनके उपस्थिति रहे । कार्यक्रमके संचालन सहकारीके अधिकृत पवित्रा चौधरी करल रही ।