महासंघ सुदूरपश्चिम अध्यक्षमे शाह, महासचिवमे भट्ट

पहुरा समाचारदाता
धनगढी, २९ अगहन । नेपाल पत्रकार महासंघ सुदूरपश्चिम प्रदेश कमिटी अध्यक्षमे भरतबहादुर शाह निर्वाचित हुइल बटैं । प्रेस युनियनके बागी उम्मेदवार मिन बमहे पराजित कैके शाह अध्यक्षमे निर्वाचित हुइल हुइटैं ।
महासचिवमे प्रेस चौतारीके उम्मेदवार शिवराज भट्ट निर्वाचित हुइल बटैं । विजयी शाह ४३६ ओ पराजित बम १४८ मत प्राप्त करलैं ।
अस्टेक, नेपाल पत्रकार महासंघ कैलाली जिल्ला शाखा अध्यक्षमे श्रवण देउवा निर्विरोध निर्वाचित हुइल बटैं । अध्यक्षके उम्मेदवार प्रेस सेन्टरके टंक कुँवर उम्मेदवारी फिर्ता लेहलपाछे देउवा सर्वसम्मत अध्यक्षमे निर्वाचित हुइल रहैं ।
जिल्ला शाखाके उपाध्यक्षमे बिराज रोस्यारा, उपाध्यक्ष (महिला) मे भावना जोशी, सचिवमे तेजराज भट्ट, सहसचिवमे शंकर बोहरा, सहसचिव (समावेशी) कम निराजन परियार, कोषाध्यक्षमे सुनिल आउजी निर्वाचित हुइल बटैं । अस्टेक, सदस्यमे बालकृष्ण ओझा, कैलाश जोशी, दिनेशबहादुर बिष्ट, गगन अयडी, वीरेन्द्र शाह, लोकुसिंह ठकुरी, रतनलाल चौधरी, अनिता चौधरी, विवेक नागरी, चन्द्रप्रसाद खनाल, सुधराम दहित, टेकसिंह धामी, जगत जैगडी निर्वाचित हुइल बटैं ।
