इप्रका हसुलियाके प्रमुख चन्दहे विदाई कार्यक्रम

पहुरा समाचारदाता
हसुलिया, २ पुस । कैलाली जिल्लाके कैलारी गाउँपालिका स्थित इलाका प्रहरी कार्यालय हसुलियाके प्रमुख लोकेन्द्र बहादुर चन्दहे मंगरके रोज विदाई कैगिल बा ।
इप्रका हसुलियामे कार्यरत रह प्रहरी वरिष्ठ निरिक्षक चन्दके सरुवा जिल्ला प्रहरी कार्यालय धनगढीमे हुइलपाछे गाउँपालिकासे एक कार्यक्रमके विच विदाइ करल हो । चन्द इप्रका हसुलियामे एक बरस बैठल रहिट । उहाँहे गाउँपालिका अध्यक्ष राजसमझ चौधरी, गाउँपालिका उपाध्यक्ष भगवतीकुमारी चौधरी, प्रमुख प्रशासकीय अधिकृत खगेन्द्र राज जोशीलगायत वडा अध्यक्षहुक्रे टमान शाखाके प्रमुखहुक्रे अविर ओ खादा लगाके विदाई करल रहिट । उहाँहे गाउँपालिकासे मायाके चिनो, अविर माला ओ खादा ओह्राके विदाई करल रहे ।
उहे अवसरमे बोल्टी गाउँपालिका अध्यक्ष राजसमझ चौधरी सीमा नाकासे जोरल कारण लागु औषध प्रयोगकर्ता बह्रल बटैलै । उहाँ लागु औषध नियन्त्रणके लाग स्थानीय तह ओ प्रहरी प्रशासन तदारुकताके साथ लागल बटैलै । इप्रका प्रमुख चन्दके एक बर्षे बैठाई समन्वयत्मक हुइल बटैलै ।

गाउँपालिका उपाध्यक्ष भवगतीकुमारी चौधरी अगामी कार्यकालके शुभकामना व्यक्त करटी अइना दिनमे समन्वय जारी रना बटैली ।
विदाई कार्यक्रममे वरिष्ठ प्रहरी निरीक्षक चन्द कम जनशक्तिके बावजुट शान्ति डेना प्रयास करल बटैलै । उहाँ कहलै, ‘एक बरसमे दुर्घटनाबाहेक भारी अप्रिय घटना नैहुइल । ’ कैलारीमे लागु औषध, आत्म हत्या, दुघर्टनासे मृत्युके घटना बह्रल मने प्रहरी न्यूनिकरणके लाग हरेकप्रयास जारी राखल उहाँ बटैलै । कार्यक्रममे संचालन सामाजिक विकास शाखा प्रमुख यगम कलेल करल रहिट । ओस्टेक हसुलिया इलाका प्रहरी कार्यालयके प्रमुखके रुपमे दिगज ठकुराठी आइल बटै ।
