थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

नवजीवन सहकारीसे १६ करोड ४१ लाख मुनाफा आर्जन

पहुरा | ३ पुष २०८१, बुधबार
नवजीवन सहकारीसे १६ करोड ४१ लाख मुनाफा आर्जन

पहुरा समाचारदाता
धनगढी, २ पुस ।
कैलालीके धनगढीमे प्रधान कार्यालय रहल नवजीवन सहकारी संस्था लिमिटेडसे आर्थिक वर्ष २०८०÷०८१ सालमे १६ करोड ४१ लाख ६ हजार मुनाफा आर्जन कैना सफल हुइल बा ।

आर्थिक बर्ष २०७९÷०८० मे यी संस्थासे १२ करोड ४८ लाख ६२ हजार खुद मुनाफा आर्जन करलमे सहकारी क्षेत्रमे डेखल अविश्वास ओ समस्याके बाबजुटफे गत आवमे सीमा ३१.४३ प्रतिशतसे बृद्धि हुके खुद मुनाफा १६ करोड ४१ लाख ६ हजार पुगल सहकारीके अध्यक्ष देवबहादुर बम बटैलै ।

सहकारीके गत बर्षके निक्षेप रु ४ अर्व ४१ करोड ४५ लाख ४१ हजार रहलमे ओकर तुलनामे १३.६९ प्रतिशतसे वृद्धि होके २०८१ साल असार मसान्तसम संस्थासे रु ५ अर्व १ करोड ९० लाख ५ हजार निक्षेप संकलन कैना सफल हुइल उहाँ जनैलै ।
संस्थाके अधिकृत शेयर पुँजी रु ५० करोड रहलमे जेम्नेसे २०८० साल असार मसान्तसमके चुक्ता शेयर पुँजी रु. २८ करोड २४ लाख ५४ हजार रहलमे ओम्ने ६.२४ प्रतिशतसे वृद्धि होके २०८१ असार मसान्तसम चुक्ता शेयर पुँजी रु ३० करोड ८० हजार पुगल संस्था जनैले बा ।

वि.सं. २०४९ सालमे सामुदायिक बचत कोष कोषसे सुरु हुके २०५० अगहन ३० गतेसे विधिवत रुपमे यी क्षेत्रके ओ देशके अग्रणी सहकारीके रुपमे स्थापना हुइल नवजीवन सहकारी संस्था लिमिटेड ६४ जाने शेयरसे सुरुवाट करल रहे ।
हाल संस्थामे २०८० असार मसान्तसम शेयर सदस्य संख्या ३२ हजार १४० रहलमे २०८१ असार मसान्तसम ३४ हजार ३९५ पुगल अध्यक्ष बम बटैलै ।

संस्थाके कर्जा प्रवाह असुली आर्थिक बर्ष २०७९÷०८० के असार मसान्तसम लगानीमे रहल कर्जा तथा सापटी रकम रु ६ अर्व ९१ करोड ४६ लाख २५ हजार रहल रहे । आर्थिक बर्ष २०८०÷२०८१ सम्म वृद्धि हुके २०८१ असारमसान्तसम लगानीमे रहल कर्जा रकम रु ४ अर्व ४ करोड ५२ लाख ४३ हजार रहल अध्यक्ष जनैलै ।

महाप्रबन्धक डम्बर सिंह गुरु संस्थासे सामाजिक क्षेत्रमे सहयोग करटी आइल बटैलै । सहकारी विकास कोषसे आर्थिक बर्ष २०८०÷०८१ मे सुदूरपश्चिम प्रदेश प्रहरी कार्यालय कैलालीहे फुलवारीमे आसरा सुधारकेन्द्र निर्माणके लाग रु. १ लाख ११ हजार सहयोग करल जनैैलै ।

घोडाघोडी नगरपालिकामे रहल घोडाघोडी ताल क्षेत्रमे पर्यटकके लाग धर्मशाला निर्माणार्थ रु. १० लाख सहयोग करल महाप्रवन्धक बटैलै ।

संस्थासे शेयर सदस्यहे औषधी उपचार, काजक्रिया, दुर्घटना राहत ओ सुरक्षित मातृत्व कार्यक्रम अन्र्तगतके सेवा प्रदान कैना शेयर सदस्य हितकोषके व्यवस्थाहे निरन्तरता डेहल बा । आर्थिक बर्ष २०८०÷०८१ मे शेयर सदस्य हितकोषसे सुत्केरी स्याहार सुविधा वाफत ८० जनहनहे रु. ४ लाख, किरिया खर्च बाफत ९९ जाने दिवंगत सदस्यके हकवालाहे रु. १९ लाख ८० हजार ओ औषधी उपचार सुविधा वाफत १२५ जनहनहे रु २६ लाख १९ हजार ५ सय करके रु ४९ लाख ९९ हजार ५ सय सहयोग करल महाप्रवन्धक डम्बर सिंह गुरु बटैलै ।

संस्थाके शाखा÷सेवा केन्द्र बाँसगढी बर्दिया, कैलालीके टिकापुर, जोशीपुर, अत्तरिया, चौमाला, धनगढी, राजपुर, हसुलिया ओ कञ्चनपुरके आइवीआरडीमे रहल बा ।

संस्थासे कैलालीके गोदावरी नगरपालिका ८ श्रीपुर,मजगाउँ स्थित संस्थाके नाउँमे रहल १ विघा १० कटठा क्षेत्रफलमे जमिन एवं ओम्ने ५ हजार वर्गफिटे पक्की गोदाम भवनमे धान गोँहु खरिद विक्री कार्यहे निरन्तरता डेटी उ गोदाम परिसरमे कुटानी, पिसानी, पेलानी मिल संचालनमे ल्यानल बा ।

उ मिलके उदघाटन ३१ औं वार्षिक साधारण सभाके अवसरमे संघीय सरकारके भुमि व्यवस्था कृषि सहकारी तथा गरिवी निवारण मन्त्रालयके मन्त्री बलराम भट्टराई करल रहिट ।

जनाअवजको टिप्पणीहरू