सीमान्तकृत समुदायके न्यायमे पहुँच सुनिश्चितताके लाग सशक्तीकरण ओ क्षमता निर्माण कार्यक्रमके उपलब्धीबारे छलफल

पहुरा समाचारदाता
धनगढी, ४ पुस । सीमान्तकृत समुदायके न्यायमे पहुँच सुनिश्चितताके लाग सशक्तीकरण ओ क्षमता निर्माण कार्यक्रमके उपलब्धीबारे छलफल कैगिल बा ।
महिला जागरण तथा विकास केन्द्रके आयोजनामे ऐनके सहयोग तथा दलित महिला अधिकार मञ्च नेपालके संयोजनमे परियोजनाके उपलब्धीबारे सरोकारवाला ओ संञ्चारकर्मीनसे छलफल कैगिल हो ।
महिला जागरण तथा विकास केन्द्रके अध्यक्ष प्रा. कुसुम श्रेष्ठके अध्यक्षतामे हुइल कार्यक्रममे अधिवक्ता प्रा.डा. शसी अधिकारी ओ अनिता श्रेष्ठ सहजीकरण करल रहिट ।

अधिवक्ता प्रा.डा. शसी अधिकारी सीमान्तकृत महिला तथा बालबालिकाके न्यायमे पहँुच तथा मानव अधिकारबारे प्रस्तुतीकरण करल रहिट । विश्वमे अभिनफे महिला ओ बालबालिका ंिहंसासे गुज्रटी रहल बटैली । कतिपय देशमे महिलाहे नागरिक ओ राजनीतिक अधिकारसे बञ्चित कराइल बटैली । दिगो विकास लक्ष्यमेफे महिलाके अधिकारबारे उल्लेख हुइल उहाँ बटैलै ।
ओस्टेक करके अनिता श्रेष्ठ परियोजनासे कैलालीके धनगढी ओ गोदावरीमे करटी आइल गतिविधिबारे जानकारी डेहल रहिट ।
यी परियोजना धनगढी उप–महानगरपालिकाके वडा नं. ८, ९ ओ गोदावरी नगरपालिका वडा नं.७ ओ ८ मे स्थानीय संस्था दलित महिला अधिकार मञ्चसंगके समन्वयमे कार्यक्रम करल बटैली । परियोजनासे सीमान्तकृत महिला, बालिका ओ लैङिक हिंसा पीडित÷ प्रभावितके कानूनी सशक्तिकरणमे क्षमता अभिवृद्धि, न्यायमे पहुँच, जीविकोपार्जन, सीमान्तकृत समुदायके बालबालिकाहे शैक्षिक सहयोग करटी आइल बा । ओस्टेक करके पालिकाके न्यायिक समिति तथा बडा समितिके सदस्यसंग विषयगत बैठक तथा संवाद कार्यकम संचालन करटी उहाँ बटैली ।

महिला जागरण तथा विकास केन्द्र २०५४ सालमे स्थापना हुइल एक गैरसरकारी संस्था रहल बटैलै । स्थापनाकालसे महिला, बाल विकास केन्द्रके मानवअधिकार तथा वा हक अधिकार केन्द्रसे स्थानीय तह सम विधिके शासन, सुशासन, बालिका, सीमान्तकृत जवाफदेहिता, नीतिगत वकालत, पैरवी, महिना नेतृत्व तथा क्षमता अभिवृद्धि, सचेतना अभिवृद्धि सम्बन्धी कार्यकम सञ्चालन करटी आइल बा ।
यिहे विच परियोजनासे जोरल महिलाहुक्रे अपन अनुभव सुनैले रहिट । गोदावरी–८ के सीता चौधरी अपने तालिम लेहलपाछे भारी परिवर्तन आइल बटैली । पहिले थारु समुदायके चल्टी आइल परम्परा भल्मन्साके नेतृत्व करल ओरसे गाउँसमाज सुधारके लाग योगदान पुगैटी आइल बटैली । उहाँक संगे गोदावरीके कलावती ताम्राकार, रुपा विक, कृष्णी चौधरी, जानकीदेवी पार्कीफे यी परियोजनामे जोरलपाछे अपनमे भारी परिवर्तनसंगे समाजमे परिवर्तन ल्याने लागल बटैली ।

कार्यक्रममे स्वागत मन्तव्य दलित महिला अधिकार मञ्चके अध्यक्ष सावित्रा घिमिरे ओ संचालन प्रसन्न रावत करल रहिट । कार्यक्रममे सरोवाला निकाय, संचारकर्मीहुकनके सहभागिता रहे ।
