थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

कर्मशिल सहकारीके १३औं वार्षिक साधारण सभा

पहुरा | ७ पुष २०८१, आईतवार
कर्मशिल सहकारीके १३औं वार्षिक साधारण सभा

पहुरा समाचारदाता
धनगढी, ६ पुस ।
कैलालीके धनगढी उपमहानगरपालिका–७ मोतीचोकमे रहल कर्मशिल बचत तथा ऋण सहकारी संस्था लिमिटेडके १३औं वार्षिक साधारण सभा शनिच्चरके रोज निम्जल बा ।

सहकारीके अध्यक्ष राम प्रसाद चौधरीके अध्यक्षतामे हुइल कार्यक्रममे वरका पहुना जिल्ला सहकारी संघके उपाध्यक्ष राम चन्द्र चौधरी रहल रहिट । कार्यक्रममे सम्बोधन करटी सहकारीसे कृषक, व्यापारी, विद्यार्थी, महिलालगायतहे भारी सहयोग पुगल बटैलै । सहकारी स्थापना हुइलपाछे लोण लेना सहजुल हुइल ओ व्याज गैलेसे अपने सहकारीके कोषमे जम्मा हुइना मजा बाट रहल बटैलै । सहकारीके शेयर सदस्य कार्यक्षेत्र बह्राई सेक्लेसे और मजा रहल कहटी एक शेयर सदस्य दुसर शेयर बनाइक लाग प्रयास करलेसे मजा हुइना उहाँ बटैलै ।

कार्यक्रममे रामसिंह चौधरी, जीत चौधरी, चन्द्र चौधरी ‘चाँद’, कोषाध्यक्ष दयाशंकर चौधरीलगायतसे मन्तव्य राखल रहिट ।
कार्यक्रममे संस्थाके सचिव दिपक कुमार चौधरी वार्षिक प्रतिवेदन प्रस्तुत करल रहिट । सहकारीमे अब्बे शेयर सदस्य संख्या ९०७ शेयर पुँजी ३८ लाख ४३ हजार १ सय, ऋण लगानी १ करोड २९ लाख ५४ हजार ९८० रुप्या रहल उहाँ जनैलै ।
सहकारीसे बचत योजनामे मासिक बचत, साधारण बचत, दैनिक बचत, चल्ती बचत, बाल बचत, जेष्ठ नागरिक बचत, गृहिणी बचत संचालन करटी आइल बा । यिहे विच सहकारीसे बार्षिक सााधारण सभाके अवसरमे नियमित बचतकर्ता दिलिपसिंह चौधरी, विनिता चौधरीहे सम्मान करले बा ।

ओस्टेक करके असल ऋणीमे विक्रमकुमार चौधरी, सावित्री चौधरी, जेष्ठ नागरिक सियाराम चौधरी, नियमति बाल बचतकर्ता विश्वराज चौधरीहे सम्मान करले बा ।

कार्यक्रममे संस्थाके अध्यक्ष राम प्रसाद चौधरी सहकारीसे विस्तारे फडको मरटी सेवा सुविधाफे ठप करटी जैना बटैलै । कार्यक्रममे स्वागत मन्तव्य संचालक समिति सदस्य हरि प्रसाद चौधरी ओ संचालन सचिव दिपक चौधरी करल रहिट । कार्यक्रममे सहकारीके पूर्व उपाध्यक्ष तथा सल्लाहकार सीताराम चौधरी दहितलगायत सहकारीके संचालकहुक्रे, कर्मचारीहुकनके सहहभागिता रहे । बार्षिक साधारण सभामे राजु चौधरी‘राज’ अपन पहिलेक गैलक गीत सुनाके मनोरञ्जन प्रदान करल रहिट ।

जनाअवजको टिप्पणीहरू