थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

नमस्ते सहकारीके २२ औं साधारण सभा

पहुरा | ७ पुष २०८१, आईतवार
नमस्ते सहकारीके २२ औं साधारण सभा

असारमसान्तसम निक्षेप बचत २५ करोड ५४ लाख, आर्थिक बर्ष २०८०÷०८१ मे मुनाफा आर्जन ७६ लाख ९२ हजार

पहुरा समाचारदाता
धनगढी, ७ पुस ।
कैलालीके धनगढी उपहानगरपालिका–८ रहल नमस्ते बचत तथा ऋण सहकारी संस्था लिमिटेडके २२ औं साधारण सभा भव्यताके साथ सम्पन्न हुइल बा ।

सहकारीके अध्यक्ष जगतराम चौधरीके अध्यक्षतामे हुइल कार्यक्रममे सुदूरपश्चिम प्रदेश सरकारके उद्योग पर्यटन वन तथा वातावरण मन्त्री लक्ष्मण किशोर चौधरी बरका पहुना रहल रहिट ।

कार्यक्रममे नमस्ते बचत तथा ऋण सहकारी संस्था लिमिटेड शेयर सदस्यहुकनके विश्वास जितके आघे बह्रलै । उहाँ कहलै, ‘पूरुव ओर सहकारी ठगल कना टमान मेरके घटना सुनल बा, शेयर सदस्यहुक्रे लगानी करेबेर विचार उठैना जरुरी बा ।’
सहकारी क्षेत्र अपन मन्त्रालय अन्र्तगत नैपरलेसेफे प्रदेश सरकारके नातासे सहकारीहे कौनो समस्या बा कलेसे अपन ओरसे सक्दो सहयोग कैना मन्त्री चौधरी प्रतिवद्धता जनैलै ।

कार्यक्रमके विशिष्ट पह्ुना जिल्ला सहकारी संघके अध्यक्ष फणिराज सापकोटा देश विकासमे सहकारीके भारी डेन रहल बटैलै । सहकारी अपन नीति ओ विधि विधान अनुसार चल्लेसे विकासके गतिओर लम्कना बटैलै ।
कार्यक्रममे धनगढी उपममहानगरपालिका वडा नम्बर ८ के वडा अध्यक्ष जुगराम चौधरी, जिल्ला सहकारी संघके उपाध्यक्ष रामचन्द्र चौधरी, नवज्योति कृषि सहकारी संस्था लिमिटेडके अध्यक्ष सीताराम राना, भल्मन्सा समितिके उपाध्यक्ष रामनारायण चौधरीलगायत मन्तव्य व्यक्त करल रहिट । कार्यक्रममे सम्बोधन करटी उहाँहुक्रे सहकारीके सफलताके शुभकामना राखल रहिट ।

कार्यक्रममे सहकारीके प्रवन्धक विजय चौधरी सहकारी २०८१ असारमसान्तसम चुक्त शेयर पुँजी ४ करोड ४५ लाख ५२ हजार दुई सय पुगल ओ शेयर सदस्य संख्या ६ हजार ७१४ पुगल जनैलै । निक्षेप संकलन असारमसान्तसम २५ करोड ५४ लाख ८१ हजार ३८३ रुप्या ४६ पैसा ओ मुनाफा आर्जन २०८०÷०८१ सालमे ७६ लाख ९२ हजार २९८ रुप्या ६३ कैना सफल हुइल उहाँ जनैलै ।ओस्टेक ऋण लगानी असार मसान्तसम ३७ करोड ५१ लाख ५४ हजार ७८ रुप्या ५४ पैसा रहलफे उहाँ जनैलै ।

सहकारीसे साधारण सभाके अवसरमे सम्मानफे करले बा । जेम्ने असल बचतकर्ता सम्मान रिता चौधरीहे, असल बाल बचतकर्ता सम्मान राजन राना, असल ऋणीमे हरिमिलन रानाहे सम्मान करल बा ।

ओस्टेक ८० बरस पुगल जेष्ठ नागरिक बचतकर्ता सम्मान खडकविर चौधरी, पुन्ना राना, बर्फीदेवी राना, भिख्खु राना, रामकिसन डगौरा, बलु राना थारु, मंगु रानाथारुहे सम्मान करल बा । सहकारीसे उत्कृत कर्मचारी सम्मान प्रवन्धक विजय चौधरी ओ उत्कृत बजार प्रतिनिधि सम्मान शर्मिला राना करले बा । कार्यक्रमके स्वागत मन्तव्य कोषाध्यक्ष महेश चौधरी ओ संचालन उपाध्यक्ष रोहित चौधरी, सचिव खडकबहादुर चौधरी करल रहिट ।

कार्यक्रममे सहकारीके अध्यक्ष जगतराम चौधरी २२औं साधारण सभा भव्यताके साथ सम्पन्न करैना सहयोग करुइया सक्कु संचालक, शेयर सदस्य ओ कर्मचारीहुकनहे धन्यवाद ज्ञापन करल रहिट । कार्यक्रम थारु समुदायके सखिया, रानाथारु समुदायके होरी नाँच लगायतसे मनोरञ्जन प्रदान कैगिल रहे । संजिविनी अस्पतालसे शेयर सदस्यहुकनहे स्वास्थ्य चेकजाँच करल रहे ।

जनाअवजको टिप्पणीहरू