थारु विद्यार्थी समाज कैलालीके अध्यक्षमे विनोद चौधरी निर्वाचित

पहुरा समाचारदाता
धनगढी, ७ पुस । थारु विद्यार्थी समाज कैलालीके जिल्ला अध्यक्षमे विनोद चौधरी निर्वाचित हुइल बाट ।

समाजके छैठौ जिल्ला अधिवेशनमे विनोद चौधरी आपन प्रतिद्वन्दी दिपक चौधरीसे ढयार मत ल्यानके विजयी हुइल बटै । निर्वाचनमे कुल ३३ मत खस्लकमे विनोद चौधरी २५ पाइल रहिट । दिपक चौधरीके पक्षमे ५ मत खसल रहे । कलेसे एक मत बदर हुइल रहे ।

वसहेक समाजके जिल्ला उपाध्यक्षमे सुदीप चौधरी, सिर्जना चौधरी, शंकर डगौरा, सचिवमे शिव कठरिया, सहसचिवमे रविराज चौधरी ओ कोषाध्यक्षमे सागर कुश्मी सर्वसम्मतसे चयन हुइल बटै ।

वसहेक सदस्यमे रविता महतो, पुरन कुमार चौधरी, आशिका चौधरी, दिवन्ती चौधरी, आस्मा चौधरी, स्मृति चौधरी, सौरव चौधरी, अञ्जली चौधरी सर्वसम्मतसे चयन हुइल बटै ।

थारु विद्यार्थी समाजके जिल्ला अध्यक्ष आशिष चौधरीके अध्यक्षतामे हुइल अधिवेशन सुदूरपश्चिम प्रदेश सरकारके उद्योग पर्यटन वन तथा वातावरण मन्त्री लक्ष्मण किशोर चौधरीके बरका पहुनामे हुइल रहे ।

बन्दसत्र थारु विद्यार्थी समाजके केन्द्रीय उपाध्यक्ष ठाकुर प्रसाद करिया प्रधानके संयोजकत्व हुइल रहे । जेकर सदस्यमे माधव चौधरी, बाँधुराम चौधरी, दिपक चौधरी ओ रघुनाथ चौधरी रहल रहिट । कैलाली जिल्लाके क्याम्पसमे गठन हुइलक इकाई समितिसे ४÷४ जान कैके प्रतिनिधिहे भोट डारेक लाग बोलाइल रहे ।