युनिक नेपालके छैठौं वार्षिक साधारण सभा
पहुरा समाचारदाता
कोहलपुर, १० पुस । युनिक नेपाल लघुवित्त वित्तीय संस्था लिमिटेड केन्द्रिय कार्यालयके बुधके बाँकेके कोहोलपुरमे भब्यताके साथ छैठौं वार्षिक साधारण सभा सम्पन्न हुइल बा ।
संस्थाके कार्यकारी निर्देशक लघुबित्त विज्ञ तथा समाजसेवी डा. गोपाल दहित साधारण सभामे आव २०८०/८१ के बार्षिक प्रतिवेदन उपर छलफल तथा स्वीकृत कैना, बार्षिक कार्यक्रम तथा योजना अनुमोदन, अन्य लघुवित्त वित्तीय संस्थाहे गभ्ना तथा प्राप्ती समाहित विषयमे प्रस्ताव, बाह्य लेखा परिक्षक नियुक्त कैना तथा पारिश्रमिक टोकल जनैलै ।
ओस्टके संस्थाके प्रतिवेदन कार्यकारी निर्देशकसे प्रस्तुत, आव २०८०/८१ मे सम्पत्ति तथा दायित्वके बिवरण, नाफा–नोक्सान हिसाब, नगद प्रवाह बिवरण लगायतके अन्य हरहिसाब अनुमोदन, संस्थाके नयाँ कार्यविधी तथा विद्यमान नियमावली कार्यविधी संसोधन एवम् परिमार्जन हुइल जनाइल बा ।
वार्षिक साधारण सभा संस्थाके अध्यक्ष शिव बहादुर चौधरीके अध्यक्षतामे हुइल रहे । सभामे समाजसेवी तथा सञ्चालक समिति सदस्य पुरन प्रसाद चौधरी, सञ्चालक सन्तराम धरकटुवा थारु, सञ्चालक जगत राम थारु, संञ्चालक समिति सदस्य बालिका चौधरी लगायतके सहभागिता रहे ।
ओस्टके संस्थाके मानव संसाधन तथा जनशक्ति व्यवस्थापन तालिम प्रमुख मानबहादुर थारु, लघुबित्त सेक्सन प्रमुख मदन चौधरी, कर्जा अधिकृत तुला चौधरी आइटी रमेश चौधरी, आन्तरिक लेखा परिक्षक राजेन्द्रकुमार चौधरी, बिनोद कुंवर, लेखा अधिकृत अयोध्याप्रसाद चौधरी, स्टोर सेक्सन प्रमुख नरेन्द्रबहादुर चौधरी लगायतके सहभागिता रहे ।
युनिक नेपाल लघुवित्त वित्तिय संस्था २०५७ सालसे पाछे पारल वर्ग थारु, दलित, मुस्लिम, आदिबासी, जनजाती, सिमान्तकृत समुदाय गरिबीके रेखाटर रहल महिला दिदिबाबु लघुवित्त कार्यक्रमसे आर्थिक रुपमे सबलीकरण कैना तथा क्षमता अभिवृद्धिके लाग ग्रामीण क्षेत्रमे कार्य कैटी आइल बा ।
हाल युनिक नेपाल लघुवित्त वित्तिय संस्थामे करिब ९० हजारसे ढेर महिलादिदी बाबु लघुबित्त सेवा लेटी समुहमे आवद्ध रहल बाटै । संस्थासे कैलाली, कञ्चनपुर, बांके, बर्दिया, दाङ, कपिलवस्तु, सहित ६ जिल्लामे ४१ शाखा मार्फत सेवा डेटी आइल बा ।
