नेपाली कांग्रेससे ४९आंै राष्ट्रिय एकता तथा मेलमिलाप दिवस मनागिल
पहुरा |
१६ पुष २०८१, मंगलवार

पहुरा समाचारदाता
हसुलिया, १६ पुस । नेपाली काँग्रेस कैलारी गाउँपालिकाके आयोजनामे मंगरके रोज हसुलियामे ४९ औं राष्ट्रिय एकता तथा मेलमिलाप दिवस ओ १०० दिने विशेष अभियान सम्बन्धी गोष्ठी सम्पन्न हुइल बा ।
नेपाली काँग्रेस कैलारी गाउँपालिका सभापति कृष्ण प्रसाद चौधरीके अध्यक्षतामे हुइल कार्यक्रममे प्रमुख अतिथी नेपाली काँग्रेस केन्द्रीय सदस्य योगेन्द्र चौधरी रहल रहिट । ओस्टेक करके विशिष्ट पहुनामे नेपाली काँग्रेस कैलालीके कार्यबाहक सभापति खेमराज डगौरा थारु, सुदूरपश्चिम प्रदेश सदस्य तथा कैलारी गाउँपालिका प्रमुख राजसमझ चौधरी, उपाध्यक्ष भगवतीकुमारी चौधरी रहल रहिट ।

ओस्टेक करके नेपाली काँग्रेस क्षेत्र नम्बर ३ के सभापति रिता चौधरी, महासमिति सदस्य, जिल्ला सचिव नृपबहादुर सुनार, केशव मिश्रलगायत टमान तहके नेताहुकनके उपस्थिति रहे ।

