कैलारी–४ मे सञ्चालित टमान योजनाके अनुगमन
पहुरा |
१७ पुष २०८१, बुधबार

पहुरा समाचारदाता
हसुलिया, १७ पुस । कैलारी गाउँपालिका वडा नम्बर ४ मे सञ्चालित टमान योजनाके अनुगमन कैगिल बा ।
पालिका स्तरीय अनुगमन समितिके संयोजक तथा गाउँपालिका उपाध्यक्ष भगवतकुमारी चौधरीके अगुवाईमे चालु आर्थिक बर्षमे उ वडामे सञ्चालित योजनाके स्थलगत अनुगमन कैगिल हो ।

अनुगमन समितिसे वडा नम्बर ४ स्थित जनकल्याण माविसे डङगुवा टोलसम सडकमे कैगिल ग्राभेलके अनुगमन करले बा । ओस्टेक करके खानेपानी टंकी लग्गे कैगिल ग्राभेल, जनकल्याण माविके निर्माणाधिन पक्की भवन ओ विरबहादुर मगरके घर लग्गे बन्टी रहल कल्भर्टके अनुगमन कैगिल बा ।

अनुगमन टोलीमे समितिके संयोजक भगवतीकुमारी चौधरी, वडा नम्बर ४ के वडा अध्यक्ष ठागुराम चौधरी, वडा सदस्य लक्ष्मी चौधरी, योजना शाखा प्रमुख सन्तोष कुमार चौधरी, सव इन्जिनियर हिमाल कुश्मीलगायतके सहभागिता रहे ।


