प्रदेश नीति तथा योजना आयोगके उपाध्यक्षमे डा. जीवन राना नियूक्त

पहुरा समाचारदाता
धनगढी, १८ प्ुस । सुदूरपश्चिम प्रदेशके नीति तथा योजना आयोगके उपाध्यक्षमे डा. जीवन राना नियुक्त हुइल बटी ।
प्रदेश मन्त्री परिषदके बैठकसे रानाहे उपाध्यक्षमे नियूक्त करल हो । उहाँ नेपाली काँग्रेसके केन्द्रीय सदस्य हुइट । उपाध्यक्ष गणेशबहादुर विश्वकर्मा राजीनामा डेहलपाछे उ पद खाली रहे । ओस्टेक सदस्यमे डा. हिरा चन्द ओ शेरबहादुर चन्द नियूक्त हुइल बटै । भण्डारी काँग्रेस डडेल्धुराके सचिव ओ चन्द एमाले कञ्चनपुरके नेता हुइट ।
नवनियूक्त उपाध्यक्ष कैलालीके धनगढी उपमहानगरपालिका–८ निवासी डा. राना विद्यावारिधी करले बटी । उहाँ नेपाल संस्कृत विश्वविद्यालय बेल्झुन्डी दाङसे विद्यावारिधि (पिएचडी)उपाधि प्राप्त करल हुइट । उहाँ ‘सोसियो कल्चर लाइफ अफ रानाथारु’ विषयमे अँग्रेजीमे शोधपत्र तयार पारल हुइट ।
नेपाली काँग्रेसके राजनीतिमे फे क्रियाशिल राना टमान सामाजिक संस्थामेफे आवद्ध बटी । नेपाली काँग्रेसके सदस्य समेट रहल उहाँ बालबालिका तथा किशोर किशोरी समन्वय विभाग प्रमुखफे हुइट ।

नवनियुक्त सुदुरपश्चिम प्रदेशके नीति तथा योजना आयोग उपाध्यक्ष डा. जीवन राना, सुदुरपश्चिम प्रदेशके नीति तथा योजना आयोगके सदस्य डा. हिरा चन्द ओ शेरबहादुर भण्डारीहे विफेक रोज सुदूरपश्चिम प्रदेश सरकारके मुख्यमन्त्री कमलबहादुर शाह एक कार्यक्रमके विच पद तथा गोपनीयताके सपथ ग्रहण करैले रहिट ।
