विद्यालयस्तरीय हाजिरीजवाफ प्रतियोगिता हुइना

पहुरा समाचारदाता
धनगढी, १९ पुस । सनराइज मिडिया सेन्टरके आयोजनामे कैलाली ओ कञ्चनपुरमे विद्यालयस्तरीय हाजिरीजवाफ प्रतियोगिता–२०८१ आयोजना हुइना बा ।
शुकके रोज पत्रकार सम्मेलनके आयोजना कैके सुदूरपश्चिमे पहिलचो सबसे भारी धनराशिके हाजिरीजवाफ प्रतियोगिता हुइना सनराईज मिडिया सेन्टरके अध्यक्ष उत्तम थापा बटैलैं ।
प्रतियोगितामे प्रत्येक विद्यालयसे दुई टिम ओ एक पालिकासे कैके तीन टिम सहभागी हुइ पैना आयोजक जनैले बा । विद्यालयस्तरसे सुरु हुइना अडिसनमे प्रत्येक पालिकासे तीन टिमहे धनगढीमे उपस्थित कराके मेघा अडिसन राउन्ड, आइरन राउन्ड, सिल्बर राउन्ड, गोल्ड राउन्ड, डाइमन्ड राउन्ड ओ सेमिफाइनल राउन्डसे छनोट हुइल टिमसे ग्राण्ड फिनालेसे प्रथम द्वितीय ओ तृतीय छनोट करना आयोजक जनैले बा ।
प्रतियोगितामे प्रथम पुरस्कार एक लाख नगद, प्रमाणपत्र, ट्रफीसहित आकर्षक गिफ्ट ह्याम्पर, द्वितीय पुरस्कार ५० हजार नगद, प्रमाणपत्र, ट्रफीसहित आकर्षक गिफ्ट ह्याम्पर ओ तृतीय पुरस्कार २५ हजार नगद, प्रमाणपत्र, ट्रफीसहित आकर्षक गिफ्ट ह्याम्पर ओ सान्त्वना पुरस्कार १० हजार नगद, प्रमाणपत्र, ट्रफीसहित आकर्षक गिफ्ट ह्याम्पर रहना ओ सहभागी विद्यालयहे सहभागिताके प्रमाणपत्र ओ फाइनल प्रवेश करना सफल ६ ठो समूहहे आकर्षक गिफ्ट ह्याम्पर प्रदान करना आयोजक जनैले बा ।
कार्यक्रम कैलाली ओ कञ्चनपुरके विद्यालयमे यिहे पुस २१ गतेसे फाराम वितरण हुइना ओ आगामी माघ पहिल हप्तासे १६ अडिसन कैके जेठसम सञ्चालन हुना मेरिक काम आगे बह्रल मिडियाके अध्यक्ष थापा बटैलैं ।
