अध्यक्षमे फेरसे राम दहित निर्वाचित
पहुरा समाचारदाता
धनगढी, २० पुस । नेपाल आदिवासी जनजाती महासंघ कैलालीके जिल्ला अधिवेशन शनिच्चरके रोज धनगढीमे सम्पन्न हुइल बा ।
पाँचौ जिल्ला अधिवेशनसे राम दहितके अध्यक्षतामे १३ सदस्यीय लौवा कार्य समिति सर्वसहमतसे चयन कैगिलक हो । समितिके उपाध्यक्षमे अनिता चौधरी, सचिवमे सागर कुश्मी, कोषाध्यक्षमे सन्तोष राना ओ सहसचिवमे जीवनलाल डगौंरा चयन हुइल बटै ।
वसहेक सदस्यमे कालुराम चौधरी, दशिराम चौधरी, सरस्वती राना, शेरबहादुर चौधरी, जीवन चौधरी, ज्ञानु राना, अर्जुन कठरिया ओ निर्मला चौधरी चयन हुइल बटै ।
जिल्ला अधिवेशनसे प्रदेश परिषद सदस्यमे रतनलाल चौधरी, गीता चौधरी, छपिलाल चौधरी, दिनेश राना, दिलबहादुर चौधरी, प्रेमलाल चौधरी, ठागुराम कठरिया, रामप्रसाद चौधरी, स्वरुप चौधरी व दिनेश दहितहे पठैले बा ।
फोनिजके केन्द्रीय परिषद सदस्यमे प्रेम चौधरी, अविनाश चौधरी, रामलखन चौधरी, कालिमैया चौधरी व मुकेश टेर्राहे पठागिल बा ।
राम दहितके अध्यक्षतामे हुइलक अधिवेशनके उदघाटन शत्र फोनिजके केन्द्रीय सदस्य तथा प्रदेश संयोजक भीम चौधरीके वरका पहुनामे हुइल रहे । उदघाटन शत्रमे फोनिजके प्रदेश अध्यक्ष रामलखन चौधरी, महासचिव उन्नती चौधरी, थारु पत्रकार संघके केन्द्रीय उपाध्यक्ष प्रेम चौधरी, प्रेस सेन्टरके केन्द्रीय सदस्य मुकेश टेर्रालगायतसे थारु पत्रकारहुँक्र दिन प्रतिदिन पेशासे लोप हुइटी गैलकमे चिन्ता व्यक्त करल रहिट ।
कार्यक्रममे स्वागत मन्तव्य गीता चौधरी संचालन सचिव सागर कुश्मी करल रहिट ।
