थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

भादा थारु होमस्टे महोत्सव निम्जल

पहुरा | २१ पुष २०८१, आईतवार
भादा थारु होमस्टे महोत्सव निम्जल

पहुरा समाचारदाता
धनगढी, २१ पुस ।
कैलालीके धनगढी उपमहानगरपालिका–१६ स्थित भादा गाउँमे पुस १७ गतेसे सुरु हुइल थारु होमस्टे महोत्सव भव्यताके साथ सम्पन्न हुइल बा ।

‘संरक्षणके लाग सक्कु जाने करी काम, संस्कृति भेष भुषा राखी हमार पहिचान’ कना मुल नाराके साथ थारु होमस्टे गाउँ भादा पर्यटन विकास तथा व्यवस्थापन समितिके आयोजनामे थारु होमस्टे गाउँ भादाके प्रचारप्रसार एवम् प्रवद्र्धनके साथे थारु समुदायके कला, संस्कृति जर्गेना कैना उद्देश्यसे थारु होमस्टे महोत्सव सुरु कैगिल रहे ।

समितिके अध्यक्ष लक्ष्मीनारायण चौधरीके अध्यक्षतामे हुइल समापन कार्यक्रममे उहाँ होमस्टेके प्रचारप्रसार तथा प्रवद्र्धनके साथे थारु समुदायके संस्कृति, खानपान, भेषभूषा, सीपकला, प्राकृतिक सम्पदाके सदुपयोग एवम् जगेर्ना कैना उद्देश्यसे हरेक वर्ष जस्टे यी बरस १२औं महोत्सव आयोजना करल जनैलै ।

पाँच दिने महोत्सवहे भव्यताके साथ सम्पन्न करेक लाग सक्कु तह तप्कासे सहयोग हुइलकमे उहाँ धन्यावाद ज्ञापन ओ आभार व्यक्त करलै ।

कार्यक्रमके संचालन गायक राजु चौधरी ‘राज’ ओ सुनिता चौधरी करल रही । महोत्सव अन्तिम दिन मोडेल डान्सर रितु चौधरी, हस्याकलाकार सुरदिप अकिलकटला, गायक अन्जान चौधरी, महालोक गायक मनिराम करियामघरियाके वेजोड प्रस्तुती रहे । कलेसे थारु समुदायके कला, संस्कृति झल्कना टमान नाँचफे डेखागैल रहे ।

महोत्सवमे थारु खानपानके परिकार, थारु सीपकला तथा भेषभूषा, थारु देउथान अवलोकन, थारु संग्राहालयके अवलोकन, काठे पिङलगायत आकर्षणके रुपमे रहल रहे ।

जनाअवजको टिप्पणीहरू