प्रथम चैतन्य विद्यार्थी महोत्सव सुरु

पहुरा समाचारदाता
धनगढी २७ पुस । धनगढीमे रहल चैतन्य पाठशालामे प्रथम चैतन्य विद्यार्थी महोत्सव २०८१ शनिच्चरसे सुरु हुइल बा ।
धनगढीमे रहल चैतन्य पाठशालाके आयोजनामे चैतन्य विद्यार्थी महोत्सव २०८१ पहिल संस्करणके उदघाटन सुदूरपश्चिम प्रदेशके मुख्यमन्त्री कमलबहादुर शाह करल रहिट । चैतन्य विद्यार्थी महोत्सव २०८१ चैतन्य पाठशालाके अध्यक्ष गणेशप्रसाद जोशीके अध्यक्षतामे हुइल कार्यक्रममे उहाँ चैतन्य पाठशालासे विगतके वर्षसे आयोजना करटी आइल स्टिमफेयर वार्षिक खेलकुद सप्ताहहे यी वर्ष विन्टर क्याम्प रमाइलो मेलाहे जोरके संयुक्त रुपमे आयोजना करे लागल जानकारी डेलै ।
शिक्षा ओ संस्कारके संगम, वेद ओ विज्ञानके संयोजन, प्रकृति ओ संस्कृतिके सम्मानके लाग चैतन्य पाठशालाके शौक्षिक अवधारणा आघे बह्रटी रहल ओ पाठशालासे विद्यार्थीके चौतर्फी विकासके लाग उ महोत्सव करे लागल पाठशालाके प्रधानाध्यापक कटक बहादुर सिहँ बटैलै । महोत्सव अइना माघ ५ गतेसम सञ्चालन हुइना जनागिल बा ।
