थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

थारु गाउँमे लौवा भल्मन्सा छनौट सुरु

पहुरा | २ माघ २०८१, बुधबार
थारु गाउँमे लौवा भल्मन्सा छनौट सुरु

पहुरा समाचारदाता
हसुलिया, २ माघ ।
थारु गाउँमे लोकतान्त्रिक पद्धति अनुसार लौवा भल्मन्सा छनौट प्रक्रिया सुरु हुइल बा ।

थारु समुदायसे हरेक माघ २ गतेसे लौवा नेतृत्व छनौट कैटी आइल ओरसे यी बरसफे लौवा भल्मन्सा छनौट हुइल हो । आज कैलारी गाउँपालिका ५ छुटकी पलिया, गोदावरी नगरपालिका–८ फकलपुर गाउँम ओ वडा नम्बर ७ बसन्तामे लौव भल्मन्सा छानगिल बा ।

वडा नम्बर ५ छुटकी पालिकामे कैलारी गाउँपालिका वडा नम्बर ५ के वडा अध्यक्ष विष्णु प्रसाद चौधरीके वरका पहुनामे हुइल एक कार्यक्रमके विच लौवा भल्मन्सा छनौट कैगिल हो । उ गाउँक भल्मन्सामे माघुराम चौधरी, सचिवमे जुगराम चौधरी, चौकीदारमे चनकलाल चौधरी रहल बटै । ओस्टेक करके दुई जाने सदस्यमे सृजना समाजके अध्यक्ष शंकर चौधरी, ओ नव बचत तथा ऋण सहकारी संस्था लिमिटेडके संयोजक रामचन्द्र चौधरी रहल बटै ।

छुटकी पलिया गाउँक भुरा खेलसे गाउँमे कोई वेद वेगारी नैकरल कलेसे बार्षिक ५ हजार रुप्या, वेदवेगारी नैकरके कुलुवक पानी नैखेलाके आपन बोरिङसे पानी दारके खेतीपाती करुइयासे ७ सात हजार रुप्या गाउँ समाजहे डेहे पर्ना नियम बनागिल बा ।
भल्मन्सा माघुराम चौधरीके अध्यक्षतामे हुइल कार्यक्रमके संचालन ओमविर चौधरी करल रहिट । माघुराम चौधरीलगायतके टीमहे तीन वरसके गाउँक नेतृत्व चलैना जिम्मा डेहलमे यी बरस अध्यावधिक कैगिल रहे ।

कार्यक्रमके वरका पहुना तथा वडा अध्यक्ष विष्णु चौधरी कहलै,‘माघुराम चौधरीलगायतके टिमहे तीन बर्षके लाग जिम्मेवारी तोकल रहे । प्रत्येक बरसके माघ महिनामे भुरा खेल हुइना, बर्ष भरिक कैल कामके समिक्षा कैगिल रहे ।’

भल्मन्सा, सचिव ओ चौकीदारहुक्रे निशुल्क समाज सेवा कैना ओरसे गाउँ समाजके निर्णय अनुसार उहाँहुकनहे पारिश्रामिक डेहक लाग प्रतिएक कटठासे साढे सात किलो धान डेना करल बा । छुटकी पलियामे ११२ घरधुरी रहल बा ।

ओस्टेक करके कैलारी गाउँपालिका वडा नम्बर ७ बसन्ता गाउँक भुरा खेलसे भल्मन्सामे बाबुराम चौधरी छनौट हुइल बटै । उ गाउँक सचिवमे बलबहादुर चौधरी ओ अघरीमे फुलराम चौधरी छनौट हुइल बटै ।

ओस्टेक करके कैलालीके गोदावरी नगरपालिका वडा नम्बर ८ फकलपुर गाउँक भुराखेलसे भल्मन्सामे यमबहादुर चौधरी, वरगानमे गोपीलाल चौधरी छनौट हुइल बटै । भल्मन्साके सहयोगीमे भागीराम चौधरी, लालबहादुर चौधरी, धनलाल चौधरी ओ छविलाल चौधरी रहल बटै ।

गाउँक समाजसेवी तथा थारु कल्याणकारिणी सभा कैलालीके निवर्तमान कार्यबाहक सभापति माधव चौधरी पुराने टिमके करल कामहे समिक्षा कैके गाउँ समाजके निर्णय अनुसार यी बरसफे उहे टिमहे दोह¥याइल बटैलै ।

जनाअवजको टिप्पणीहरू