थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

प्रदेश नीति तथा योजना आयोगके उपाध्यक्ष डा. रानाहे सम्मान कार्यक्रम

पहुरा | ५ माघ २०८१, शनिबार
प्रदेश नीति तथा योजना आयोगके उपाध्यक्ष डा. रानाहे सम्मान कार्यक्रम

पहुरा समाचारदाता
धनगढी, ५ माघ ।
राना महिला समुहसे सुदूरपश्चिम प्रदेश नीति तथा योजना आयोगके उपाध्यक्ष डा. जीवन रानाहे सम्मान तथा शुभकामना कार्यक्रम कैगिल बा ।

राना महिला भैसी पालन समुह, गतिशिल समुह, नवदुर्गा आइपीएम कृषक समुह ओ राधा कृष्ण कृषक समुहसे संयूक्त रुपमे कार्यक्रमके आयोजना करके आयोगके उपाध्यक्ष डा. रानाहे सम्मान कार्यक्रम करल हो ।

संविधान सभा सदस्य मालामति रानाके अध्यक्षतामे हुइल कार्यक्रममे आयोगके उपाध्यक्ष डा. राना वरका पहुना रहल रहिट । कार्यक्रममे सम्बोधन करटी उहाँ रानाथारु समुदायके यूवा विग्रती गैलमे चिन्ता व्यक्त करली । उहाँ कहली, ‘हरेक अभिभावक आपन लर्कन उप्पर जिम्मेवारी बहन कैना जरुरी बा । रानाथारु, थारु समुदायके युवा यूवती अब्बे लागु औषध दुव्र्यशनीमे फस्टी गैल बटै ।’

रानाथारु, थारु समुदायके विद्यार्थी कक्षा १ से १० सम पुगटसम पह्राई छोरना तथ्याङक हेरलेसे डर लग्टीक रहल कहटी अभिभावकसे आपन लर्कनके पह्राई ओ गतिविधिप्रति निगरानी रखना जरुरी रहल बटैली । धनगढी गाउँक भल्मन्सा भज्जीराम राना शिक्षा विना विकासके कल्पना करे नैसेक्ना कहटी अपने नैपह्रलेसेफे आपन लर्कनहे पह्राई पर्नामे जोर डेलै ।

कार्यक्रममे समाजसेवी रामदिन राना, शिवराज राना, राना महिला भैसी पालन समुहके सामनमति राना, कृष्णाकुमारी रानालगायतसे शुभकामना तथा बधाई ज्ञापन करल रहिट । कार्यक्रममे स्वागत मन्तव्य सन्तराम राना करल रहिट ।

जनाअवजको टिप्पणीहरू