थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २९ माघ २६४८, मंगर ]
[ वि.सं २९ माघ २०८१, मंगलवार ]
[ 11 Feb 2025, Tuesday ]

प्रथम चैतन्य विद्यार्थी महोत्सव सम्पन्न

पहुरा | ५ माघ २०८१, शनिबार
प्रथम चैतन्य विद्यार्थी महोत्सव सम्पन्न

पहुरा समाचारदाता
धनगढी, ५ माघ ।
कैलालीके धनगढी उपमहानगरपालिका ५ शिवनगरमे रहल चैतन्य पाठशालामे प्रथम चैतन्य विद्यार्थी महोत्सव शनिच्चर सम्पन्न हुइल बा ।

चैतन्य पाठशालाके आयोजनामे पुस २७ गतेसे सुरु हुइल प्रथम चैतन्य विद्यार्थी महोत्सव शनिच्चरके रोज आठौ दिनमे सम्पन्न हुइल हो । चैतन्य पाठशालासे विगतके वर्षसे आयोजना करटी आइल स्टिमफेयर वार्षिक खेलकुद सप्ताहहे यी वर्ष विन्टर क्याम्प रमाइलो मेलाहे जोरके संयुक्त रुपमे आयोजना करल रहे ।

वरिष्ठ साहित्यकार, महाकाव्यकार तथा प्रमुख अतिथि डा. नवराज लम्साल कार्यक्रममे बोल्टी पहिले मनै अनुसाशित ओ व्यवहारिक बन्न जरुरी रहल बटैलै ।

उहाँ केवल विद्यार्थी विद्यालयके सर्टिफिकट केल नैहुके व्यक्तित्व निर्माण, ज्ञानके व्यवहारिक ओ भविष्यके मजा व्यक्ती बन्न आवश्यक रहल बटैलै । विद्यालयमे विद्यार्थी ओ शिक्षक शिक्षिकाके केल भुमिका नैहुके अभिभावकसेफे अपन लर्कनके हरेक समयमे अपने हेरविचार करे पर्ना बटैलै ।

पाठशालाके प्रधानाध्यापक कटकबहादुर सिंह चैतन्य विद्यार्थी महोत्सवके आठौ दिनसम विद्यार्थी तथा सहभागीहुक्रे टमान ज्ञान, सीप, मनोरञ्जन, विद्यार्थीहुकनके वैज्ञानिक आविस्कार, अन्वेषण, परियोजना, खेलकुद लगायत वहस तथा शैक्षिक वहस जैसिन जीवन उपयोगी उद्यमबारे ज्ञान हासिल हुइल बटैलै ।

शिक्षा ओ संस्कारके संगम, वेद ओ विज्ञानके संयोजन, प्रकृति ओ संस्कृतिके सम्मानके लाग चैतन्य पाठशालाके शौक्षिक अवधारणा आघे बह्रटी रहल ओ पाठशालासे विद्यार्थीके चौतर्फी विकासके लाग उ महोत्सव करल उहाँक कहाई बा ।
विश्वके छोट भागवत वाचिका अनुराधा पाण्डेय दिव्य उपस्थिती रहे । भागवत वाचिका पाण्डेय सक्कु जाने विद्याके अध्ययन करके केल मनै अनुसाशित, धार्मिक तथा बौद्धिक व्यक्ति बन्ना बाट बटैली ।

डाईबाबा, गुरुके आश्रय तथा संस्कारके आज्ञा पालन करके केल शिक्षा आर्जन करे सेक्ना ओ मनैनहे सुख यिहीसे प्राप्त करे सेक्ना उहाँक कहाई रहे ।

प्रथम चैतन्य विद्यार्थी महोत्सव २०८१ के समापन समारोहके पाठशालाके अध्यक्ष गणेश प्रसाद जोशीके अध्यक्षता हुइल समापन कार्यक्रममे स्टिम प्रजेक्ट अन्तर्गत प्लेनके परिक्षण उडान, वैज्ञानिक अविस्कारके प्रदर्शन, पुरस्कार वितरण, सम्मान तथा सांस्कृतिक प्रस्तुती कैगिल बा ।

जनाअवजको टिप्पणीहरू