थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ३० माघ २६४८, बुध ]
[ वि.सं ३० माघ २०८१, बुधबार ]
[ 12 Feb 2025, Wednesday ]

सुदूरपश्चिम प्रदेश सभा स्थापना दिवस मनागैल

पहुरा | ८ माघ २०८१, मंगलवार
सुदूरपश्चिम प्रदेश सभा स्थापना दिवस मनागैल

पहुरा समाचारदाता
धनगढी, ८ माघ ।
सुदूरपश्चिम प्रदेश सभासे सोम्मारके रोज सातौं स्थापना दिवस २०८१ एक कार्यक्रम कैके मनैले बा ।

सुदूरपश्चिम प्रदेश सभाके सभामुख भीमबहादुर भण्डारीके अध्यक्षतामे हुइल कार्यक्रमके वरका पहुना सुदूरपश्चिम प्रदेश सभाके प्रमुख नजिर मियाँ ओ विशिष्ट पहुना प्रदेशके मुख्यमन्त्री कमलबहादुर शाह रहल रहिट ।

कार्यक्रममे सम्बोधन कैटि प्रदेश प्रमुख मियाँ प्रदेशके विकासके लाग सक्कु जाने हातेमलो कैके जैना जरुरी रहल बटैलै । प्रदेश सभा दिवस एक महत्वपूर्ण रहल कहटी विगतके दिनके समिक्षा ओ अइना दिनमे कैसिक आघे बह्रे सेक्जाइ ओकर छलफल कैना थलो रहल बटैलै । राजधानीके बारे चसो नैहुइना दुखदायी रहलफे प्रमुख बटैलै ।

प्रदेश सभा दिवसमे मुख्यमन्त्री कमलबहादुर शाह प्रदेश सरकार जनताक पिरमर्का, आवश्यकता, आकांक्षाहन लग्घसे नियल्ना ओ सम्बोधन कैना निकायके रूपमे काम कैटी आइल बटैलै ।

प्रदेश सरकारसे टमान चुनौतीके सामना करे परल बा, ‘मुख्यमन्त्री शाह कहलै, ‘सुदूरपश्चिम प्रदेशके भौगोलिक ओ सामाजिक परिस्थितिके कारण गरिबीके दर अन्य प्रदेशके तुलनामे उच्च रहल बा । यी अवस्थाहे परिवर्तन कैना प्रदेश सरकारसे थप प्रभावकारी योजना आघे सारे पर्ना आवश्यकता रहल बा ।’

उहाँ कहलै, ‘संघीयताके कार्यान्वयनसंग जोरल कुछ समस्यासे प्रदेश सरकारके गतिविधिहे कुछ हदसम प्रभावित परले बा । संघीय सरकारसे निर्माण करेपर्ना ऐन, नियम, ओ कानुन समयमे तर्जुमा नैहुइल ओरसे प्रदेशस्तरमे नीति तथा कानुन निर्माणमे कठिनाइ भोगे परल बा ।

संघीय निजामती सेवा ऐन जारी नैहुइलेसेफे प्रदेश सरकारसे प्रदेश निजामति ऐन तथा नियमावली जारी कैके कर्मचारी नियूक्ती ओ व्यस्थापनके कार्य आघे बह्राइल ओ स्थानीय सेवा संचालन सम्वन्धी ऐन छलफलमे रहल बा साथे प्रदेश सरकारस पारित करल ऐन कानुनहे आवश्यकता अनुसार परीमार्जन ओ संशोधन कैना उहाँ बटैलै ।

प्रदेश सरकारसे हालसम ४३ ठो ऐन, ७ ठो नीति, १६ ठो नियमावली, ओ टमान निर्देशिका तथा कार्यविधि तर्जुमा करके कार्यान्वयनमे ल्यानल मुुख्यमन्त्री शाह बटैलै । अभिन कुछ विधेयक जस्टे स्थानीय सेवा ऐन ओ प्रज्ञा प्रतिष्ठान सम्बन्धी विधेयक संसदमे विचाराधीन रहल यैसिन विधेयक संसदसे समयमे पारित कैना माननीय सभामुखज्यूके सक्रिय नेतृत्वमे संसदहे थप क्रियाशील बनैना ओर जोड हुइना बाटमे विश्वास व्यक्त करलै ।

प्रदेश सरकारसे संघीयता कार्यान्वयनके साथे विकास समृद्धि ओ सुशासनहे केन्द्र विन्दुमे धारके कार्यसम्पादन करटी, संघियतासे सक्कु जातजाती वर्ग समुदायके मनैनहे जोड्न सफलता प्राप्त करल उहाँ बटैलै । विकासमे जनताके साझेदारी, अपनत्व ओ सहकार्यहे आघे बढाइल बटैलै ।

सुदूरपश्चिम प्रदेशसे शिक्षा, स्वास्थ्य, पूर्वाधार, कृषि व सामाजिक क्षेत्रम महत्वपूर्ण प्रगति कैटि अइलकफे मुख्यमन्त्री शाह बटैलै ।

दिवसमे पूर्व मुख्यमन्त्री राजेन्द्रसिंह रावल, दिर्घ सोडारी, त्रिलोचन भट्ट, उपसभामुख कोइलीदेवी चौधरी, प्रदेशसभा सदस्यहुँक्र शुभकामना मन्तव्य राखल रल्ह । कार्यक्रमम प्रदेश सरकारक मन्त्री, राज्यन्त्री, प्रदेशसभा सदस्य, पूर्वमन्त्री, पूर्व प्रदेशसभा सदस्यलायतक सहभागिता रह ।

जनाअवजको टिप्पणीहरू